इन्डोनेसियामा सरकार विरुद्धको आन्दोलन नै सफल पारेको ट्रेण्ड नेपो बेबिज समाजिक सञ्जालदेखि सडकसम्म विराेध सुरू भएकाे छ ।
नेपालमा ‘जेन–जी’ पुस्ताले सुरु गरेको ‘नेपो बेबिज’ काे आन्दोलनले विभिन्न क्षेत्रका व्यक्तीहरूलाई समर्थन गर्न बाध्य बनाएकाे छ । सत्ता र सुविधाबाट पालिएका नेताका छोराछोरीको विलासी जीवनविरुद्ध टिकटकमा सुरु भएको यो ट्रेण्ड अहिले काठमाडौँको माइतीघरमा प्रदर्शनकाे तयारीसम्म आइपुगेको छ ।
सरकारले सामाजिक सन्जाल बन्द गरेर आफू विरुद्धका प्रश्नमा बन्देज लगाइरहँदा टिकटकमा भने नेपो बेबिज ट्रेण्डले तहल्का मचाइरहेको छ । भ्रष्टाचारको आयबाट पोषित पालित परिवारका छाेराछाेरीकाे बिलासी जिवनलाई खुलासा गर्न 'जेन-जी' समूहले आन्दोलनको घोषण गरेपछि विभिन्न तह तप्काका व्यक्तीहरूले एक्यूबद्धता जनाएर साथ दिइरहेका छन् ।
मस्तीको जीवन बिताइरहेका वृद्ध भताकाे सुविधा भाेगीमा पुगेका नेताहरूका छाेराछाेरी कराेडाैँकाे सुविधा भाेग गरेकाे विरूद्धमा समाजिक सञ्जाल भरी भराउ भएकाे छ । काठमाडाैँ महानगरका मेयर बालेन साहकाे गित 'गाईत बाँध्ने ढुङ्ग्रामा मै छैन, गरिबको चमेली' बोल्दिन काेइ छैन बोलको गीत प्रयोग गर्दै नेपाली कांग्रेस, एमाले, माअाेवादी, समाजवादी लगायत पार्टीका नेताका बिलासी छाेराछाेरीकाे विराेध भइरहेकाे छ ।
नेपाली कांग्रेस सभापति शेरबहादुर देउवा र परराष्ट्रमन्त्री अर्जुन राणा देउवाका छोरा जयवीर देउवा र उनकी श्रीमती, समाजवादी पार्टीका नेता बिरोध खतिवडा र उनकी छोरी एवंम पूर्व मिस नेपाल श्रृङ्खला खतिवडा, नेकपा माओवादी केन्द्रका अध्यक्ष पुष्पकमल दाहाल 'प्रचण्ड'की छोरी गंगा दाहाल र नातिनी स्मिता दाहाल यस्तै एमाले नेता महेश बस्नेतकी छोरीको विवाह उत्सव होस्की अन्य नेताहरूले प्रयोग गर्ने घडी, झोलादेखि जुत्तासम्मको विषयबारे अहिले प्रश्न उठाउदै विराेध भइरहेकाे छ ।
फेसबुक, यूट्यूब, एक्स लगायत सामाजिक सञ्जाल बन्द गरेपछी अहिले नेताका छाेराछाेरीहरूले माज मस्ती सहित बिलासी जीवन बिताइरहेकाे फाेटाे भिडियाेलाई देशका बिदेशिदै गरेकाे नागरिक र देशमै बेराेजगारी, अब्यवस्थाले थलिएका बिच तुल्ना गर्दै अहिले टिकटकमा 'नेपाेबेब' हजाराैँ भिडियाेहरू पहिलाे नम्बरमा ट्रेन्डिङ तथा भाइरल भइरहेकाे छ ।
विद्यार्थीहरूको पोशाक लगाएर, परिचय पत्रसहित, कम्तीमा एउटा किताब र एफोर साइजको खाली कागजसहित माइतीघर मण्डलमा उपस्थित भएर अान्दाेलनमा सहभागि भएका विधार्थीहरूले भ्ष्टाचारको आयबाट पोषित पालित परिवारका छाेराछाेरीकाे विरूद्ध कुनै डर नमानी खुल्लम खुल्ला विराेध जनाइरहेका छन् । सरकारले फेसबुक ट्विटर, युट्युब लगायतका सञ्जाल बन्द गरे पनि विभिन्न माध्यमबाट चलाएर सरकारको निर्णयको प्रतिकार मात्रै गरेका छैनन्, यसका विरुद्ध सडक संघर्ष थालेका छन् ।
प्रधानमन्त्री भइसकेका मानिसहरू भ्रष्टाचारमा संलग्नको आरोप लागे पनि कानुनी कारबाही नहुने सानालाई एेन ठूलालाई चेन लगायतकाे प्रश्न उठाउँदै अान्दाेलन छेडिएकाे छ । ठूला भ्रष्टाचार, वंशवाद, असमान सम्झौता, नागरिक अधिकार हनन्, बेरोजगारीलगायत मुद्दा उठान गर्दै जेनजी पुस्ताले काठमाडौँको माइतीघर मण्डलमा उपस्थित भएर प्रदर्शनमा उत्रन थालेका हुन् ।
जेन जी काे समर्थनमा लेखक सुविन भट्टराइले के गर्न सक्दो रैन्छ आखिर नयाँ पुस्ताले ? भ्रष्टाचारी र तिनका सन्तान, दरसन्तान यी सबैको अलिसान जिन्दगीको भण्डाफोड गर्ने नयाँ पुस्तालाई नमन गर्दै । देश आज जे जस्तो अवस्थामा आइपुगेको छ, धमिराले खाएझैं खोक्रो हुने यो अवस्थामा ल्याई पुर्याउनलाई यिनीहरूकै हात छ । त्यसैले पनि यिनका काला कर्तृतलाई अझै पनि खोजि खोजि, चिहानबाट निकालेर भए पनि भण्डाफोड गरौ । यो अभियानलाई यो ट्रेण्डलाई बलियो बनाउँदै जाउ । सधैँ जनतालाई झुक्याएर, ढाटेर, छलेर ए+ ल्याउने यि नेताहरूलाई अबको २०८४ को चुनावमा सम्पूर्ण विषयमामा फेल बनाइदिएर राजनीतिबाट पूरै लखेटौ मेरो समर्थन रहेकाे भनेका छन्र ।
यति मात्र नभई तपाईंले टिकटकमा 'करप्ट पोलटिसियन चाइल्ड' भनेर सर्च गर्ने हो भने यस्ता हजारौँ भिडियो फेला पार्छन् जसमा उनीहरूको विलासी जीवनमाथि प्रश्न उठाइएको छ ।
अान्दाेलनकाे बिलकुल नयाँ रूप, यो हो जेएनजीको आन्दोलन नेपो बेबिज
सरकारले सामाजिक सन्जाल बन्द गरेर आफू विरुद्धका प्रश्नमा बन्देज लगाइरहँदा टिकटकमा भने नेपो बेबिज ट्रेण्डले तहल्का मचाइरहेको छ। अधिकांश भिडियोमा काठमाडौँ महानगरपालिकाका मेयर बालेन्द्र सहालय आफ्नो ब्रान्डिंगमा प्रयोग गरेको गीत 'गाईत बाँध्ने ढुङ्ग्रामा मै छैन, गरिबको चमेली' बोल्दिन कै छैन बोलको गीत प्रयोग भएका छन् । नेपालको सन्दर्भमा यसलाई Gen Z ले थालेको नयाँ आन्दोलनको रूपमा हेर्न सकिने अवस्था बन्दै गएको छ। उनीहरूले राजनीतिमा चासो राख्थेनन् भन्ने भाष्यका बीच नेपालमा पनि Nepo baby trend राजनीतिक कोणबाट सुरु भएको छ, जो फेसबुक सहितका सामाजिक सञ्जाल प्रतिबन्धको निर्णयपछि व्यापक हुँदै गएको छ । यसले सरकारले चाहेर पनि आफैं नसुधर्योसम्म नागरिकको मुख थुल्न नसक्ने प्रष्ट पारेको छ । यसबाहेक फेसबुक प्रतिबन्धकै विरोधमा समेत आन्दोलनको तयारीमा Gen g पुस्ता देखिन्छन् ।
देशमा ३ दशकभित्र पटक पटक शसन गरेका नेताहरू विरूद्ध विभिन्न क्षेत्रका पुस्ताले विभिन्न समयमा बाेलेका भिडियाेेहरू राख्दै नेताहरूकाे विराेध गरिरहेका छन् । यस्तै नायक राजेश हमालले बाेलेका भाषण समेत अहिले भाइरल भइरहेकाे छ । UN मा जाँदा या अन्य अन्तर्राष्ट्रिय मञ्चमा जाँदाखेरि आफ्नो गरिबीको बखान गर्नुहुन्छ । चाहे शिक्षामा होस या चाहे स्वास्थ्यमा होस् । तर नेपाली जनताको सामु घोक्रो फुलाएर चाहिँ नि अर्को दश बर्षमा South Asia को सबैभन्दा शक्तिशाली राष्ट्र त बनाउछौँ, बनाउछौँ । अर्को पन्ध्र बिस बर्ष दिनुभयो पनि European standard मा लान्छौं । त्यो भन्दा ठूलो बकवास के हुन सक्छ ? बिरालो कालो होस या सेताे त्यसले खासै भूमिका राख्दैन । विषयकाे भाषण अहिले जेन जी पुस्ताले भाइरल गरिररहेकाे छ ।
नायक हमालले एशियाको सबैभन्दा गरिब मुलुक नेपाल हो, सबैभन्दा कमजोर मुलुक नेपाल हो । हाम्रो वास्तविकता भनेको हामी अत्यन्त नै कमजोर, अशक्त अन्तर्राष्ट्रिय स्तरमा एउटा बेग्लै हैसियत बोकेका व्यक्तिहरु हौँ । यस्तो अवस्था भएको राष्ट्रमा जसले नेतृत्व गरेपनी राष्ट्रलाई एक दिशा दिनुपर्छ की पर्दैन भन्दै नेताहरूलाइ गरेकाे चर्काे विराेध गरेका छन् ।
