दुई महिनादेखी वेपत्ता आरती प्रकरणमा नयाँ मोड आएको छ । सप्तरीको तिरहुत गाउँपालिका–३ गोइठी निवासी १८ वर्षिया आरती देव गत माघ ८ गते देखी वेपत्ता छिन ।
आफन्त तथा प्रहरीले उनको खोजतलास गरिरहेकै वेला आईतवार समाजिक सञ्जालमा देखिएको एक दृश्यले घट्नामा नयाँ मोड आएको छ भने परिवारजनमा हल्लीखल्ली मच्चिएको छ । उक्त दृश्य रञ्जीत कुमार साह नाम गरेको ब्यक्तीले टिकटक मार्फत सार्वजनिक गरेका छन । दृश्यमा रुदै गरेको आरतीलाई केही महिला र पूरुषले हात समाएको र एक जना युवाले सिउँदोमा जबरजस्ती सिन्दुर हालेको दृश्य देखिएको छ ।
सार्वजनिक भिडीयोमा भक्कानो छाडी रुदै गरेकी आरती उनीहरुको कसिलो पडकबाट मुक्त हुन र सिन्दुर हाल्नबाट रोक्न निकै संघर्ष गरिरहेको स्पष्टै देखिएको छ ।
टिकटकमा देखिएको स्थान ग्रामिण क्षेत्रको भएपनि स्थान पहिचान हुन भने बाकि रहेको प्रहरीको भनाई छ । नाबालिका आरतीलाई जबरजस्ती सिन्दुर हाल्ने ब्यक्तीको भने पहिचान खुलेको छ । आरतीका बुआ शशिधरले आईतवार जिल्ला प्रहरी कार्यालय र जिल्ला प्रशासन कार्यालय सप्तरीमा दिएको किटानी जाहेरीमा यसरी छोरीलाई जबरजस्ती सिन्दुर हाल्ने ब्यक्ती अशोक मण्डल रहेको उल्लेख गरेका छन ।
मण्डल सप्तरीको डाक्नेश्वरी नगरपालिका ७ ब्रह्मपुर टोल निवासी हुन । उनको सुनसरीको इनर्वामा समेत घर रहेको जाहेरीमा उल्लेख गरिएको छ । यस अघि शशिधरले २०८२ माघ ८ गते नाबालिक छोरी आरती वेपत्ता भएको भन्दै प्रहरीमा निवेदन दिएका थिए ।
निवेदनमा राजविराज नगरपालिका २ डेरा लिई स्थानीय राजदेवी टेक्नीकल कलेजमा अध्यनरत छोरी दिउँसो ३ बजे देखि वेपत्ता भएको उनले उल्लेख गरेका थिए । छोरीले बोक्ने गरेको ९७०५४२३६६२ नम्बरको मोइवाइल सोही दिन देखी स्विच अफ भएको जानकारी गराउँदै उनले हुलिया सहित खोजतलाशका लागी प्रहरीमा निवेदन दिएका थिए ।
त्यति बेला पनि उनले निवेदनमा शंकास्पद ब्यक्तीको रुपमा अशोक मण्डलकै नाम उल्लेख गरेका थिए । समाजिक सञ्चालमा पछिल्लो पटक देखिएको युवा अशोक नै रहेको गाउँलेहरुले समेत बताएका छन । प्रहरी नायब उपरिक्षक डम्बर बहादुर पुरीले घटनाको सूक्ष्म अनुसन्धानका साथै प्राप्त हुलिया विवरणको आधारमा खोजी कार्य तिब्र बनाईएको जनाएका छन ।
उनले सार्वजनिक भएको भिडीयोको पनि अनुसन्धान भईरहेको जानकारी दिएका छन ।
-1772177803.jpg)
