चुनावमा रास्वपाले प्राप्त गरेको सफलताका लागि अमेरिकाद्वारा सभापति लामिछानेलाई बधाई

रोचक

Home
रोचक
चुनावमा रास्वपाले प्राप्त गरेको सफलताका लागि अमेरिकाद्वारा सभापति लामिछानेलाई बधाई

चुनावमा रास्वपाले प्राप्त गरेको सफलताका लागि अमेरिकाद्वारा सभापति लामिछानेलाई बधाई

अमेरिकाले भर्खरै सम्पन्न प्रतिनिधिसभा सदस्य चुनावमा राष्ट्रिय स्वतन्त्र पार्टी (रास्वपा) ले प्राप्त गरेको सफलता को लागि पार्टी सभापति रवि लामिछानेलाई बधाई दिएको छ ।

दक्षिण तथा मध्य एशियाली मामिलासम्बन्धी अमेरिकी विशेष दूत सर्जिओ गोर र रास्वपाका सभापति लामिछानेबीच हिजो टेलिफोन वार्ता भएको थियो । काठमाण्डौस्थित अमेरिकी दूतावासका अनुसार विशेष दूत गोरले चुनावमा प्राप्त सफलताका लागि सभापति लामिछानेलाई बधाई दिनुभएको हो ।

वार्ताका क्रममा दूत गोरले नेपाल र अमेरिकाबीचको कूटनीतिक सम्बन्ध र भावी सहकार्यका विषयमा छलफल गर्नुभएको दूतावासले जानकारी दिएको छ। साथै, अमेरिकी सरकारले नेपालको नयाँ सरकारसँग सहकार्य गर्न उत्सुक रहेको समेत जनाइएको छ ।

फागुन २१ गते सम्पन्न प्रतिनिधिसभा सदस्य निर्वाचनमा रास्वपाले झन्डै दुईतिहाइ बहुमत प्राप्त गरेको थियो, जसले पार्टीको राजनीतिक प्रभाव र आगामी सरकार गठनमा प्रमुख भूमिका सुनिश्चित गरेको छ ।

प्रकाशित मिति: बुधबार, चैत ११, २०८२ १२:५३