जिल्ला प्रहरी कार्यालय पर्साले चिनबाट ल्याएर भारत पठाउने उदेश्यले भण्डारण गरि राखेको झण्डै ५ करोड मुल्य बराबरको अवैध भेप बरामद गरेको छ ।
प्रहरीका अनुसार रेल्वेरोडस्थित राम प्रसाद बैरेको घरमा भाडामा कोठा लिएर बसेका भारत विहारका सुदामा प्रसादले अवैध रूपमा भण्डारण गरेको भेप बरामद गरेको हो । प्रहरीले अल्फबार राय डिथ्री २५००० पुफ्सु (Elfbar Raya D3 25000 Puffs) नामक भेप सहितको ७६ वटा कार्टुन बरामद गरेको छ । एक कार्टुनमा दुइ सय पिसका दरले जम्मा १५ हजार २ सय पिस भेप रहेको छ । बरामद भेपको बजार मूल्य ४ करोड ८६ लाख २४ हजार ८ सय रुपैयाँ रहेको जिल्ला प्रहरी कार्यालय पर्साले जनाएको छ । यस घटनासँग सम्बन्धित थप अनुसन्धान भइरहेको प्रहरीको पर्सा प्रहरीले जानकारी गराएको छ ।
नेपालमा यस किसिमका भेपहरू तस्करी हुने सुनको अवैध कारोबारसँग सम्बन्धित छ वा छैन, र के प्रयोजनका लागि यति ठूलो परिमाणमा भेप ल्याइएको हो भन्नेबारे अनुसन्धान भइरहेको प्रहरीले जनाएको छ ।
