राष्ट्रपति रामचन्द्र पौडेलले संवैधानिक परिषद् सम्बन्धी अध्यादेश जारी गर्नुभएको छ ।
यसअघि उक्त अध्यादेश पुनर्विचारका लागि भन्दै राष्ट्रपति कार्यालयले सरकारलाई फिर्ता पठाएको थियो ।
सरकारले हिजो दोस्रो पटक सोही अध्यादेश जारी गर्नका लागि सिफारिस गरेपछि राष्ट्रपति पौडेलले जारी गर्नुभएको हो । यससँगै सरकारले सिफारिस गरेका सबै आठ वटा अध्यादेश राष्ट्रपति कार्यालयबाट जारी भइसकेका छन् ।
जारी गरिएको अध्यादेशमा ६ सदस्यीय संवैधानिक परिषद्मा ३ जनाको उपस्थितिमै निर्णय गर्न सकिने व्यवस्था गरिएको छ । यस प्रावधानलाई लिएर विभिन्न राजनीतिक तथा कानुनी वृत्तमा आलोचना समेत भइरहेको छ ।
अब जारी भएका सबै अध्यादेशहरू संघीय संसद्मा पेश गरिनेछन् ।
