राष्ट्रिय स्वतन्त्र पार्टी ( रास्वपा ) को प्रथम ऐतिहासिक महाधिवेशन चितवनको भरतपुरमा सुरु भएको छ ।
महाधिवेशन चितवनको भरतपुरमा तीन दिनसम्म चल्ने छ । केहीबेरमा सभापति रवि लामिछाने र प्रधानमन्त्री बालेन शाहले घण्टी बजाएर महाधिवेशनको उद्घाटन गर्नेछन् ।
उद्घाटन समारोह महामन्त्री कविन्द्र बुर्लाकोटीले सञ्चालन गरिरहेका छन् । उद्घाटन समारोहमा रास्वपाका नेताहरुसँग विभिन्न दलका नेताहरुले पनि सम्बोधन गर्नेछन् । नेपाली कांग्रेसका सभापति गगनकुमार थापा, राप्रपा अध्यक्ष राजेन्द्र लिङ्देन, नेकपा एमालेका नेता प्रदीप ज्ञवाली, नेकपा नेता वर्षमान पुन लगायतले पनि महाधिवेशनमा शुभकामना दिने छन् ।
४ हजार २११ महाधिवेशन प्रतिनिधिले नयाँ नेतृत्व चयन गर्नेछन् । निर्वाचन आयोगले यसअघि नै निर्वाचन कार्यतालिका सार्वजनिक गरिसकेको छ ।
