वीरगंजको नगवामा सशस्त्र प्रहरीको छापा, २१ लाख बढीको कपडा बरामद

अर्थ बाणिज्य

Home
अर्थ बाणिज्य
वीरगंजको नगवामा सशस्त्र प्रहरीको छापा, २१ लाख बढीको कपडा बरामद

वीरगंजको नगवामा सशस्त्र प्रहरीको छापा, २१ लाख बढीको कपडा बरामद

नगवामा रहेकाे तीनवटा गोदाममा सशस्त्र प्रहरीले छापा मारेर २१ लाख रुपैयाँभन्दा बढीको तस्करी गरिएको कपडा बरामद गरेको छ ।

सशस्त्र प्रहरी बल नेपाल नम्बर १३ गण हेडक्वाटर पर्साबाट खटिएको टोलीले बुधबार बिहान नगवाको नयाँबस्तीस्थित तीनवटा घरमा छापा हानेर विभिन्न ब्राण्डका कपडा बरामद गरेको हो । बरामद गरिएको कपडाको कुल मूल्य २१ लाख २१ हजार ८ सय रुपैयाँ रहेको छ ।

सशस्त्र प्रहरी नायब उपरीक्षक नरेन्द्र सिंह धामीका अनुसार, भारतबाट राजश्व छलेर ल्याइएका सटीङ-सुटीङका थान कपडा, कुर्था सेट लगायतका कपडाहरु गोदाममा भण्डारण गरिएको सूचनाका आधारमा छापा मारिएको हो । टोलीले सशस्त्र प्रहरी नायब उपरीक्षक सुरज रिजालको नेतृत्वमा छापा मारेर ती कपडाहरु बरामद गरेको थियो ।

सशस्त्र प्रहरीले कपडा भण्डारण गर्ने घरधनीको नाम खुलाएको छैन भने थप अनुसन्धान जारी रहेको जानकारी दिएको छ । बरामद कपडा वीरगंज भन्सार कार्यालयमा बुझाइएको छ ।

प्रकाशित मिति: बुधबार, असोज २३, २०८१ १८:१४

यस वीरगंज सिटीमा प्रकाशित सामग्रीबारे कुनै प्रतिक्रिया, सल्लाह सुझाव वा कुनै लेख, रचना, समाचार प्रकाशित गराउनु परे [email protected] मा पठाउन सक्नुहुन्छ।

प्रतिक्रिया दिनुहोस्