नेपाली कांग्रेस क्षेत्रीय कार्यसमिति क्षेत्र नं. २, पर्साले आईसीसी यू-१९ महिला टी-२० विश्वकप २०२५ मा स्थान बनाउन महत्वपूर्ण भूमिका खेलेकी वीरगन्ज-१२, मुर्लीकी क्रिकेट खेलाडी सना प्रवीणलाई विशेष अभिनन्दन गरेको छ र
जिल्ला पार्टी कार्यालयमा आयोजित कार्यक्रममा खेलाडी प्रवीणसँगै उनीलाई प्रशिक्षण र मार्गदर्शन प्रदान गर्ने कोच रमिज राजा अन्सारीलाई पनि सम्मान गरिएको थियो। कार्यक्रम क्षेत्रीय सभापति मोहम्मद सहाबुद्दीनको अध्यक्षतामा सम्पन्न भएको थियो।
अभिनन्दन कार्यक्रममा महाधिवेशन प्रतिनिधि फुल्मोहम्मद मियाँ, जमिला खातुन, संताेष सिंह, जिल्ला सदस्यहरु संजय कुमार गुप्ता, अनवर हुसेन, तरुण दलका केन्द्रीय सदस्य रोशन सिंह, नेपाल मुस्लिम संघ पर्साका उपाध्यक्ष तथा नेविसंघ पर्साका जिल्ला सचिव फिरोज अन्सारी, नेपाल मुस्लिम संघ पर्साका सचिव तबरेज आलम, वीरगन्ज वडा नं. ३ का बूथ सभापति शेख निजामुद्दिन, युवा नेता शेख सलाउदीन, विद्यार्थी नेता विकास मण्डल, नेविसंघका उपसभापति बर्कत अलीलगायत जिल्ला स्तरीय क्रिकेट खेलाडी र प्रशिक्षकहरूको उपस्थिति रहेको थियो।
कार्यक्रममा बोल्दै नेताहरूले सना प्रवीणले देशको क्रिकेटमा योगदान पुर्याएको भन्दै प्रशंसा गरे। साथै, पर्साबाट थप खेलाडीहरु राष्ट्रिय स्तरमा अघि बढाउन सहयोग पुर्याउने प्रतिबद्धता जनाइएको थियो ।
