आसन्न नेपाल प्रिमियर लिग ९एनपीएल० क्रिकेटको तेस्रो संस्करण सुरु हुनुअघि नै प्रतियोगिताको माहोललाई उत्सवमय बनाउन एक्सट्रिम इनर्जी ड्रिंकले विशेष अभियान सुरु गरेको छ ।
एनपीएल सिजन–३ मा सहभागी आठ फ्रेन्चाइज टोलीमध्ये सात टोलीसँग प्रायोजन साझेदारी गरेको एक्सट्रिमले कीर्तिपुरस्थित त्रिवि अन्तर्राष्ट्रिय क्रिकेट मैदानबाहिर सम्बन्धित टोलीको पहिचान झल्किने गरी सातवटा स्वागतद्वार निर्माण गरेको हो ।
समर्थकलाई खेल सुरु हुनुअघि नै आफ्नो मनपर्ने टोलीको उत्साहसँग जोड्ने उद्देश्यले तयार गरिएका स्वागतद्वारमा सम्बन्धित टोलीको ब्रान्ड पहिचानसँगै एक्सट्रिमको ब्रान्डिङ प्रस्तुत गरिएको छ ।
एक्सट्रिमका अनुसार एनपीएल सुरु हुनुअघि नै यस प्रकारको अभियान सञ्चालन गर्ने आफू पहिलो ब्रान्ड हो। अभियानमार्फत प्रतियोगिताको प्रचारसँगै समर्थक र टोलीबीचको सम्बन्धलाई थप बलियो बनाउने लक्ष्य लिइएको कम्पनीले जनाएको छ ।
एक्सट्रिमले सिजन–३ का लागि काठमाडौं गोर्खाज, विराटनगर किंग्स, चितवन राइनोज, जनकपुर बोल्ट्स, कर्णाली याक्स, पोखरा एभेन्जर्स र लुम्बिनी लायन्ससँग प्रायोजन साझेदारी गरेको छ। एनपीएलमा सहभागी अर्को टोली सुदूरपश्चिम रोयल्स हो ।
एनपीएलको तेस्रो संस्करण नजिकिँदै गर्दा त्रिवि अन्तर्राष्ट्रिय क्रिकेट मैदान आसपास देखिएका यी स्वागतद्वारले प्रतियोगिताको वातावरणलाई थप क्रिकेटमय बनाएको छ ।
