वीरगंजमा नालीभित्र बिछ्याइएको खानेपानीको पाइपबाट आएको पानी नागरिकले प्रयोग गर्दै आएका छन् ।
नालीभित्र खानेपानीको पाइप बिछ्याएर वितरण गरिएको पानी खाना पकाउन, लुगा धुन तथा दैनिक प्रयोजनमा प्रयोग गर्नु स्वास्थ्यका लागि कत्तिको सुरक्षित र उपयुक्त छ भन्ने प्रश्न उठेको छ ।
फोहोर पानी बग्ने नालीभित्र खानेपानीको पाइप राखिँदा पाइप फुट्ने, चुहावट हुने वा क्षति पुगेको अवस्थामा नालीको दूषित पानी खानेपानीमा मिसिन सक्ने जोखिम हुन्छ । यस्तो अवस्थामा पानीको गुणस्तर र नागरिकको स्वास्थ्य सुरक्षामाथि गम्भीर प्रश्न उठ्न सक्छ ।
खानेपानी वितरणका लागि आवश्यक मापदण्ड र सुरक्षा व्यवस्था पूरा गरिएको छ कि छैन भन्ने विषयमा सम्बन्धित निकायको ध्यान जान आवश्यक देखिन्छ ।
