काठमाडौं । परराष्ट्रमन्त्री डा. आरजु राणा देउवाले भारतीय विदेशमन्त्री एस. जयशंकरसँग भेटवार्ता गरेकी छन् ।
नयाँ दिल्लीमा भारतीय विदेश मन्त्रालयद्वारा आयोजित ‘राइसिना डायलग’ को क्रममा उनीहरूबीच भेटवार्ता भएको हो ।
परराष्ट्रमन्त्री राणाका अनुसार भेटवार्ता उपलब्धिमूलक भएको छ। उनले नेपाल-भारत सम्बन्धलाई नेपाल सरकारले निरन्तर प्राथमिकतामा राख्ने प्रतिबद्धता व्यक्त गरेको बताएकी छन् ।
यस भेटवार्तामा नेपाल-भारत सम्बन्धका विभिन्न आयामबारे छलफल भएको र आपसी सहकार्यलाई अझ मजबुत बनाउने विषयमा कुराकानी भएको स्रोतले जनाएको छ ।
