काठमाडौँ । प्रतिनिधिसभाको बैठक १५ मिनेटका लागि स्थगित भएको छ ।
ढिलागरि सुरु भएको बैठकमा सत्तापक्ष र प्रतिपक्ष दलका नेताहरुबिच बाझाबाझ भएपछि बैठक १५ मिनेटका लागि सारिएको हो ।
विपक्षी दलहरुले कुलमान घिसिङलाई सरकारले गरेको बर्खास्तीबारे सदनमा आएर प्रधानमन्त्रीले जवाफ दिनुपर्ने भन्दै अवरोध गरेका थिए भने सत्तापक्ष दलका सांसदहरुले बैठक सञ्चालन गर्नुपर्ने भन्दै विपक्षीमाथि खनिएका थिए ।
सांसदहरु बाझाबाझमा उत्रिएपछि सभामुख देवराज घिमिरेले बैठक १५ मिनेटका लागि स्थगित गरेका हुन् ।