विशेष अधिवेशन बोलाएर भए पनि शिक्षा ऐन जारी गर्न माओवादीको माग

राष्ट्रिय

Home
राष्ट्रिय
विशेष अधिवेशन बोलाएर भए पनि शिक्षा ऐन जारी गर्न माओवादीको माग

विशेष अधिवेशन बोलाएर भए पनि शिक्षा ऐन जारी गर्न माओवादीको माग

काठमाडौं । प्रमुख प्रतिपक्षी दल नेकपा माओवादी केन्द्रले सरकारलाई शिक्षकहरूको मागप्रति उदासीन र गैरजिम्मेवार भएको आरोप लगाएको छ । प्रवक्ता अग्निप्रसाद सापकोटाले नेपाल शिक्षक महासंघको नेतृत्वमा भइरहेको लामो समयदेखि जारी आन्दोलनप्रति पार्टीको गम्भीर ध्यानाकर्षण भएको बताए ।

माओवादीका अनुसार, नेपाल शिक्षक महासंघसँग भएको ५ बुँदे र ६ बुँदे सहमतिका आधारमा विद्यालय शिक्षा ऐनलाई यथाशीघ्र पारित गर्नुपर्ने आवश्यकता थियो, तर कांग्रेस र एमालेको गठबन्धन सरकारले शिक्षक र विद्यार्थीहरूको भविष्यमाथि खेलवाड गर्दै यसलाई बेवास्ता गरेको छ ।

सापकोटाले भने, "शिक्षकहरूको जायज मागलाई दश महिनासम्म बेवास्ता गरिनु, र अहिले बजेट अधिवेशनमा विधेयक पारित गर्ने तर्क दिनु हास्यास्पद छ ।"

उनीहरूले तत्कालीन प्रधानमन्त्री प्रचण्ड नेतृत्वको सरकार र नेपाल शिक्षक महासंघबीच भएको सहमतिका आधारमा विद्यालय शिक्षा ऐन तत्काल जारी गर्न माग गरेका छन् ।

माओवादीले सरकारलाई विशेष अधिवेशन वा अन्य उपायबाट विद्यालय शिक्षा ऐन जारी गर्न आग्रह गर्दै शिक्षकहरूको आन्दोलनका पक्षमा आम जनसमुदायलाई उभिन आह्वान पनि गरेको छ ।