🔮 आजको राशिफल (२०८२ श्रावण ३१, मङ्गलवार)

स्थानीय

गृहपृष्ठ
स्थानीय
🔮 आजको राशिफल (२०८२ श्रावण ३१, मङ्गलवार)

🔮 आजको राशिफल (२०८२ श्रावण ३१, मङ्गलवार)

वीरगंज सिटी मंगलबार, असार ३१, २०८२

मेष (Aries):
तपाईंको प्रशंसनीय कार्यले सामाजिक तथा राजनीतिक क्षेत्रमै चर्चा पाइनेछ । पारिवारिक सुख–समृद्धि बढ्नेछ। भौतिक साधनहरू जुट्नेछन् । दिगो फाइदा हुने काम सुरु गर्न अनुकूल समय हो । आम्दानीमा वृद्धि भएपछि आत्मविश्वास र उत्साह पनि बढ्नेछ ।

वृष (Taurus):
विशिष्ट व्यक्तिसँगको सम्बन्ध प्रगाढ बन्नेछ। रोजगारी वा पदोन्नति हुने सम्भावना प्रबल छ । राज्यपक्षले तपाईंको बौद्धिकताको कदर गर्नेछ। प्रेम सम्बन्धमा पनि सुधार आउनेछ ।

मिथुन (Gemini):
टाढिएका साथीहरू नजिकिनेछन् । आपसी मित्रता लाभदायक बन्नेछ। शुभचिन्तकहरूको साथ पाउने दिन हो । बौद्धिक तथा शैक्षिक उन्नयन हुने सम्भावना छ ।

कर्कट (Cancer):
मेहनत गर्दागर्दै पनि समय अनुकूल नहुन सक्छ। स्वार्थका लागि सम्बन्ध गाँस्नेहरूले धोका दिने सम्भावना छ । अनावश्यक रिसले समस्या निम्त्याउन सक्छ, आज सजग भएर बस्नु उपयुक्त हुनेछ ।

सिंह (Leo):
व्यवसायको सिलसिलामा रमाइलो यात्रा हुनेछ । साथीहरूको सहयोगले उत्साह बढ्नेछ । आम्दानीका नयाँ स्रोत खुल्नेछन्। दाम्पत्य जीवन सुखद रहनेछ। संवादकौशलले काम सफल बन्नेछ ।

कन्या (Virgo):
आज मुद्दा–मामिला वा झमेलाबाट छुटकारा मिल्ने समय हो । पूर्व प्रतिस्पर्धीहरू नै सहयोगी बन्न सक्छन् । प्रतियोगी परीक्षामा सफलता मिल्नेछ। आफन्तसँग रमाइलो यात्राको अवसर पनि बन्नेछ ।

तुला (Libra):
सुखदुःखमा साथ दिने व्यक्ति भेटिनेछन् । आफ्नो प्रतिभा प्रदर्शन गरेर बौद्धिक प्रतिस्पर्धामा विजयी भइनेछ । सेवामूलक कार्यबाट धन लाभ हुनेछ । आर्थिक स्थिति सुदृढ बन्नेछ ।

वृश्चिक (Scorpio):
परिस्थितिले नयाँ अवसरको ढोका खोल्नेछ । बलभन्दा बुद्धिको प्रयोग फाइदाजनक हुनेछ । पहिलेको अन्योल समाधान हुनेछ । भौतिक लाभ भए पनि स्वास्थ्यमा ध्यान दिनुपर्ने देखिन्छ ।

धनु (Sagittarius):
सामान्य प्रयासले पनि ठूलो सफलता मिल्नेछ । विचारशीलता र व्यक्तित्वको प्रभावले सम्मानित स्थान प्राप्त हुनेछ । अध्ययनको लगावले ज्ञानको दायरा फराकिलो हुनेछ । दाम र नाम दुवै कमाउने समय हो ।

मकर (Capricorn):
परिवारजनसँगको भेटघाटले मन प्रसन्न बन्नेछ । मनपर्ने उपहार वा वस्तु प्राप्त हुनेछ । अघिल्लो सफलताले नयाँ योजना प्रारम्भ गर्न प्रेरणा दिनेछ । रमाइलो जमघट र स्वादिष्ट भोजनको अवसर पाइन सक्छ ।

कुम्भ (Aquarius):
अवसरको खोजीमा दौडधुप गर्नुपर्नेछ । आफन्त वा परिवारबाट टाढिनुपर्ने अवस्था आउन सक्छ । लामो यात्रा वा वैदेशिक क्षेत्रबाट लाभ हुने सम्भावना प्रबल छ ।

मीन (Pisces):
खर्चको व्यवस्थापनका लागि प्रयत्न गर्नुपर्नेछ । अवसर पाउन केही दौडधुप आवश्यक पर्ला। वैदेशिक क्षेत्र लाभदायक बन्न सक्छ ।

प्रकाशित मिति: मंगलबार, असार ३१, २०८२ ०७:५३

वीरगंज सिटीमा प्रकाशित सामग्रीबारे कुनै पनि प्रतिक्रिया, सल्लाह–सुझाव वा कुनै सामग्री प्रकाशित गराउनुपरेमा [email protected] वा [email protected] मा पठाउन सक्नुहुनेछ।