भदौ १४ गते, २०८२ सालको आज (ई.सं. २०२५ अगस्ट ३०) शनिबारको दिन विभिन्न ज्योतिषीय आधारमा राशिफल यस प्रकार रहेको छ । नेपाल सम्बत ११४५ ञलाथ्वा सप्तमी, नाम संवत्सर, सूर्य दक्षिणायन, वर्षा ऋतु, भदौ शुक्ल सप्तमी पर्छ । पञ्चाङ्ग अनुसार आज एन्द्र गर योग, विशाखा नक्षत्र, चन्द्र सिंह राशिमा र सूर्य पनि सिंह राशिमै रहेको छ ।
आजदेखि महालक्ष्मी व्रत आरम्भ हुने दिन हो । साथै, गौरा सप्तमी र विश्व बेपत्ता विरुद्धको दिवस पनि परेको छ । नेपालमा आज सूर्योदय बिहान ५ः४२ मा भएको छ भने सूर्यास्त साँझ ६ः२५ बजे हुनेछ ।
कुनै महत्वपूर्ण कार्यका लागि घरबाट बाहिर निस्कँदा दही खाएर यात्रा गर्न शुभ फल प्राप्त हुने उल्लेख गरिएको छ । शुभ कार्य वा यात्रा सुरु गर्न बिहान ६ः१३ देखि ८ः४७ सम्मको समय उत्तम मानिएको छ ।
राशिफल
मेष (चु, चे, चो, ला, लि, लु, ले, लो, अ)
गोपनीयता भङ्ग वा विगतका कमजोरीका कारण तनाव बढ्न सक्छ । काममा रुचि नजागे पनि नसोचेको धन हात लाग्ने सम्भावना छ ।
वृष (इ, उ, ए, ओ, बा, बि, बु, बे, बो)
बहस र विवादमा पकड देखिए पनि प्रतिस्पर्धी बलिया हुनेछन् । हतार नगरी मिहिनेत गरे परिणाम पाउन सकिनेछ ।
मिथुन (का, कि, कु, घ, ङ, छ, के, को, ह)
पठनपाठन, सीप प्रदर्शन र व्यक्तित्व विकासमा प्रगति हुने समय हो । चलाखीपूर्वक काम गर्दा अतिरिक्त आम्दानी हुने सम्भावना छ ।
कर्कट (हि, हु, हे, हो, डा, डि, डु, डे, डो)
महत्त्वपूर्ण निर्णय लिन उपयुक्त दिन हो । जीवनसाथी र परिवारलाई समय दिनुपर्नेछ । भेटघाट, मनोरञ्जन र घुमघामको अवसर मिल्नेछ ।
सिंह (मा, मि, मु, मे, मो, टा, टि, टु, टे)
परिवारमा सुख शान्ति रहनेछ । नयाँ योजना, भ्रमण र खेलकुदप्रति चासो बढ्नेछ । व्यक्तिगत पहिचान र प्रतिष्ठा बढ्ने दिन हो ।
कन्या (टो, प, पि, पु, ष, ण, ठ, पे, पो)
अभिव्यक्ति, कला र आर्थिक पक्ष बलियो बन्नेछ । बोली र व्यवहारले धेरैलाई आकर्षित गर्ने समय हो ।
तुला (र, रि, रु, रे, रो, ता, ति, तु, ते)
इच्छा पूरा हुने र विशिष्ट व्यक्तित्वसँग भेटघाट हुने सम्भावना छ । हिसाबकिताब सच्याएर अघि बढ्दा फाइदा हुनेछ ।
वृश्चिक (तो, ना, नि, नु, ने, नो, या, यि, यु)
नयाँ समझौता वा करारबाट आर्थिक लाभ हुने सम्भावना छ । दाम्पत्य जीवन सुखमय बन्नेछ । करियरमा प्रगति देखिनेछ ।
धनु (ये, यो, भ, भि, भु, ध, फा, ढ, भे)
नयाँ काम सुरु गर्न उपयुक्त दिन हो । अतिरिक्त आम्दानी र प्रेमसम्बन्ध प्रगाढ बन्नेछन् । आकस्मिक लाभ हुने योग छ ।
मकर (भो, ज, जि, खि, खु, खे, खो, गा, गि)
आर्थिक पक्ष बाधक बन्नेछ । जिम्मेवारीप्रति सचेत हुनुपर्छ । साँझतिर मन हतास र भावुक बन्नसक्छ ।
कुम्भ (गु, गे, गो, सा, सि, सु, से, सो, द)
जनसम्पर्क र नेटवर्किङबाट लाभ हुने समय हो । दार्शनिक सोच जाग्नेछ । तर योजना अनुरूप काममा केही अवरोध आउन सक्छ ।
मीन (दि, दु, थ, झ, ञ, दे, दो, च, चि)
गोपनीयता भङ्ग हुने सम्भावना छ । पारिवारिक जीवनमा नयाँ अतिथि आउन सक्छन् । सहकार्यमा दौडधूप गर्नुपर्ने दिन हो ।
