राजधानीको तीनकुनेमा एक दम्पती मृत अवस्थामा फेला परेका छन् ।
ह्वाइट हाउस स्कुल नजिकैको छाप्रोमा बस्ने ती दम्पती आइतबार राति एउटै पासोमा झुन्डिएको अवस्थामा भेटिएको जिल्ला प्रहरी परिसर काठमाडौंले जनाएको छ । स्थानीयले दम्पतीलाई झुन्डिएको देखेपछि तत्कालै सुरक्षाकर्मीलाई खबर गरेका थिए। जानकारी पाएपछि सेना र प्रहरीको संयुक्त टोली घटनास्थल पुगेको थियो ।
घटनास्थलको मुचुल्का गरी शवलाई पोस्टमार्टमका लागि त्रिवि शिक्षण अस्पताल पठाइएको प्रहरीले जनाएको छ । मृतक दम्पतीको परिचय भने अहिलेसम्म खुल्न सकेको छैन ।
प्रहरीले घटनाबारे थप अनुसन्धान गरिरहेको छ ।
