वीरगंज | ग्लोबल बिजनेस क्याम्पसद्वारा आयोजित रक्तदान कार्यक्रम भव्य रूपमा सम्पन्न भएको छ ।
कार्यक्रमको सभापतित्व क्याम्पसका प्रधानाध्यापक श्रीराम दासले गर्नुभएको थियो । कार्यक्रममा मुख्य अतिथि पर्साका प्रहरी उपरीक्षक सुदीप राज पाठक र पर्सा सशस्त्र प्रहरी उपरीक्षक पुरणराज भट्ट रहनुभएको थियो ।
त्यस्तै, विशिष्ट अतिथिको रूपमा नेपाल रेडक्रस सोसाइटी, पर्साका सभापति बृजकिशोर पटेल र नेपाल रेडक्रस सोसाइटी, पर्सा शाखाका निमित्त कार्यालय प्रमुख वीरशमशेर प्रसाद कुर्मी उपस्थित हुनुहुन्थ्यो ।
कार्यक्रममा ग्लोबल बिजनेस क्याम्पसका संस्थापक तथा फाइनान्स हेड अशोक सराफ, संस्थापक तथा एचआर हेड ओमप्रकाश श्रेष्ठ, नेपाली विभाग प्रमुख सन्दीप राज साह, शिक्षक, विद्यार्थी र समाजसेवीहरू उपस्थित थिए ।
रक्तदान कार्यक्रममा कुल १७३ जना स्वयंसेवकले रक्तदान गरेका थिए, जसमा ३५ जना महिला र १३८ जना पुरुष सहभागी थिए ।
कार्यक्रमको उद्देश्य युवाहरूमा सामाजिक उत्तरदायित्व, मानवता र परोपकारको भावना जगाउनु रहेको थियो । ग्लोबल बिजनेस क्याम्पसले भविष्यमा पनि यस्ता मानवसेवामूलक कार्यक्रमहरू निरन्तर आयोजना गर्ने प्रतिबद्धता व्यक्त गरेको छ ।
