गृहमन्त्री सुदन गुरुङ ले कानुन कार्यान्वयनलाई प्रभावकारी बनाउन सुरक्षाकर्मीहरूलाई दृढतापूर्वक उभिन निर्देशन दिएका छन् ।
जावलाखेलस्थित जिल्ला प्रहरी परिसर ललितपुर को निरीक्षणका क्रममा उनले कार्यसम्पादनमा पारदर्शिता र जिम्मेवारीपूर्वक सेवा प्रवाह गर्न निर्देशन दिएका हुन् ।
त्यसैगरी मन्त्री गुरुङले सातदोबाटो स्थित प्रहरी वृत्तको समेत अनुगमन गरेका छन् । जिल्ला प्रहरी परिसरका प्रवक्ता एवं प्रहरी उपरीक्षक गौतम मिश्र का अनुसार उनले प्रहरी संरचनाको अवस्था र सेवा प्रवाहबारे जानकारी लिएका थिए ।
त्यसपछि उनले आजै रामशाहपथ स्थित काठमाडौं उपत्यका ट्राफिक प्रहरी कार्यालय को समेत निरीक्षण गरेका छन् ।
