नेपालको हस्तकला क्षेत्रको विस्तार, विकास तथा प्रवर्द्धन गर्ने उद्देश्यले प्रधानमन्त्री वालेन्द्र शाहले नेपाल हस्तकला महासंघका प्रतिनिधिहरूसँग विशेष छलफल गर्ने हुनुभएको छ ।
प्रधानमन्त्री तथा मन्त्रिपरिषद्को कार्यालय, सिंहदरबारमा बुधबार बिहान ११ः३० बजे हुने छलफलमा नेपाली हस्तकला क्षेत्रका वर्तमान अवस्था, चुनौती, बजार विस्तार तथा निर्यात प्रवर्द्धनका विषयमा छलफल हुने बताइएको छ ।
छलफलमा हस्तकला क्षेत्रको उत्पादन वृद्धि, अन्तर्राष्ट्रिय बजारमा पहुँच विस्तार, निर्यातमा देखिएका समस्या तथा सरकारी सहयोगका विषयमा समेत महासंघका प्रतिनिधिहरूले प्रधानमन्त्रीसमक्ष धारणा राख्नेछन् ।
बैठकमा नेपाल हस्तकला महासंघका अध्यक्ष रविन्द्र शाक्य, वरिष्ठ उपाध्यक्ष राजमान बज्राचार्य, उपाध्यक्ष किरण कुमार स्थापित, सल्लाहकार विकास रत्न ढाक्वा तथा शीर्ष निर्यातकर्ता महेश्वर श्रेष्ठ सहभागी हुने कार्यक्रम रहेको छ ।
