काठमाडौं । नेपाल नर्सिङ काउन्सिलले नयाँ नेतृत्व पाएको छ । सरकारले काउन्सिलको अध्यक्षमा सकुन्तला प्रजापति, उपाध्यक्षमा बिमला कुमारी साह तथा रजिस्ट्रारमा पार्वती विष्टलाई नियुक्त गरेको छ ।
नवनियुक्त अध्यक्ष, उपाध्यक्ष र रजिस्ट्रारले बिहीबार स्वास्थ्य तथा खाद्य स्वच्छता मन्त्री निशा मेहतासमक्ष पद तथा गोपनीयताको शपथ ग्रहण गर्नुभएको हो ।
शपथग्रहणसँगै उहाँहरूले नेपाल नर्सिङ काउन्सिलको जिम्मेवारी औपचारिक रूपमा सम्हाल्नुभएको छ । नयाँ नेतृत्वले काउन्सिलको संस्थागत सुदृढीकरण, नर्सिङ सेवाको गुणस्तर अभिवृद्धि तथा नर्सिङ पेशाको नियमन र विकासमा प्रभावकारी भूमिका निर्वाह गर्ने अपेक्षा गरिएको छ ।
.jpg)
.jpg)
.jpg)
.jpg)
