सुनको मूल्य लगातार दोस्रो दिन घटेको छ। मंगलबार सुनको भाउ प्रतितोला ३ हजार ८ सय रुपैयाँले घटेको हो। यसअघि सोमबार पनि सुनको मूल्य प्रतितोला ५ हजार रुपैयाँले घटेको थियो ।
नेपाल सुनचाँदी व्यवसायी महासंघका अनुसार मंगलबार छापावाल सुनको मूल्य प्रतितोला २ लाख ९० हजार ५ सय रुपैयाँ कायम भएको छ। सोमबार सुन प्रतितोला २ लाख ९४ हजार ३ सय रुपैयाँमा कारोबार भएको थियो ।
यससँगै दुई दिनमा सुनको मूल्य प्रतितोला ८ हजार ८ सय रुपैयाँले घटेको छ ।
त्यस्तै, चाँदीको मूल्य पनि घटेको छ। मंगलबार चाँदी प्रतितोला ११५ रुपैयाँले घटेर ४ हजार ३९५ रुपैयाँ कायम भएको छ। सोमबार चाँदी प्रतितोला ४ हजार ५१० रुपैयाँमा कारोबार भएको थियो ।
सोमबार पनि चाँदीको मूल्य प्रतितोला १४५ रुपैयाँले घटेको थियो। यसरी दुई दिनमा चाँदीको मूल्य प्रतितोला २६० रुपैयाँले घटेको छ ।
