नेपाली बजारमा आइतबार सुनको मूल्यमा उच्च गिरावट आएको छ । यस दिन सुनको मूल्य प्रतितोला ८ हजार ३०० रुपैयाँले घटेको हो ।
नेपाल सुनचाँदी व्यवसायी महासंघका अनुसार आइतबार सुनको मूल्य घटेर प्रतितोला २ लाख ७२ हजार रुपैयाँ कायम भएको छ । अघिल्लो साताको अन्तिम कारोबार दिन शुक्रबार सुन प्रतितोला २ लाख ८० हजार ३०० रुपैयाँमा कारोबार भएको थियो ।
सुनसँगै चाँदीको मूल्यमा पनि गिरावट आएको छ। महासंघका अनुसार आइतबार चाँदीको मूल्य प्रतितोला ३ हजार ६५० रुपैयाँ कायम भएको छ ।
गत शुक्रबार चाँदी प्रतितोला ३ हजार ८२५ रुपैयाँमा कारोबार भएको थियो। यसअनुसार एकैदिन चाँदीको मूल्य प्रतितोला १७५ रुपैयाँले घटेको छ ।
आइतबार सुन र चाँदी दुवैको मूल्यमा गिरावट आएपछि नेपाली बजारमा बहुमूल्य धातुको कारोबार प्रभावित हुने देखिएको छ ।
