नेपाली बजारमा सुन र चाँदी दुवैको मूल्य घटेको छ । नेपाल सुनचाँदी व्यवसायी महासंघले आज सार्वजनिक गरेको मूल्यसूचीअनुसार छापावाल सुनको भाउ प्रतितोला ५ हजार ९ सय रुपैयाँले घटेर २ लाख ८३ हजार रुपैयाँ कायम भएको छ ।
बुधबार छापावाल सुन प्रतितोला २ लाख ८८ हजार ९ सय रुपैयाँमा कारोबार भएको थियो । आजको मूल्यसँग तुलना गर्दा सुनको भाउ २.०४ प्रतिशतले घटेको हो ।
त्यसैगरी, चाँदीको मूल्य पनि घटेको छ। आज चाँदी प्रतितोला ३ हजार ८ सय १० रुपैयाँमा कारोबार भइरहेको छ । बुधबार चाँदी प्रतितोला ३ हजार ९ सय २० रुपैयाँमा कारोबार भएको थियो। यसअनुसार चाँदीको मूल्य प्रतितोला १ सय १० रुपैयाँ अर्थात् २.८१ प्रतिशतले घटेको हो।
महासंघका अनुसार आज १० ग्राम छापावाल सुनको मूल्य २ लाख ४२ हजार ६ सय २५ रुपैयाँ कायम भएको छ भने १० ग्राम चाँदीको मूल्य ३ हजार २ सय ६६ रुपैयाँ ५० पैसा रहेको छ ।
अन्तर्राष्ट्रिय बजारमा सुनचाँदीको मूल्य, अमेरिकी डलरको विनिमय दर तथा स्थानीय बजारको माग र आपूर्तिका आधारमा नेपालमा पनि सुनचाँदीको मूल्यमा दैनिक उतारचढाव हुने गरेको छ ।
सुनचाँदी खरिदबिक्री गर्दा ग्राहकले तोकिएको दैनिक मूल्यबारे जानकारी लिनुका साथै कारोबारको बिल तथा शुद्धता प्रमाणपत्रसमेत अनिवार्य रूपमा लिन व्यवसायीहरूले सुझाव दिएका छन्।
