पछिल्ला केही दिनयता वीरगंजमा देखिएको धार्मिक तथा साम्प्रदायिक तनावप्रति खानेपानी, सरसफाइ तथा सिँचाई मन्त्री प्रदीप यादवले गहिरो चिन्ता व्यक्त गरेका छन् ।
सामाजिक सञ्जाल फेसबुकमार्फत सार्वजनिक अपील जारी गर्दै उनले शान्ति, सद्भाव र आपसी समझदारीका लागि वीरगंजवासीलाई संयमित र सचेत रहन आग्रह गरेका हुन् । वीरगंजको ऐतिहासिक र सांस्कृतिक पहिचान धार्मिक विविधता, सांस्कृतिक सहिष्णुता र पर्वहरूमा आपसी सहभागिता भएको उल्लेख गर्दै मन्त्री यादवले यस्तो समावेशी समाजमा तनाव फैलाउने क्रियाकलाप प्रति कुनै पनि प्रकारको सहमति हुन नसक्ने बताएका छन् ।
"वीरगंज क्षेत्रका सबै नागरिकहरूमा सामाजिक सद्भाव र शान्ति कायम राख्न विनम्र अपील गर्दछु," उनले लेखेका छन्, "वीरगंज सबैको साझा फूलबारी हो । यहाँ मेलमिलाप कायम राख्नु सबैको साझा जिम्मेवारी हो ।"
मन्त्री यादवले स्थानीय प्रशासनलाई शान्ति विथाेल्ने गतिविधिमा संलग्न व्यक्तिहरूको पहिचान गरी कानुनी कारबाही गर्न आग्रह गरेका छन् । “सार्वजनिक वा निजी सम्पत्तिमा तोडफोड, आगजनी वा अभद्र व्यवहार गर्नेलाई कडा कानुनी कारबाही गरिनुपर्छ,” मन्त्री यादवले भनेका छन् । उनका अनुसार वीरगंजमा तनाव उत्पन्न हुन थालेदेखि नै उनी व्यक्तिगत रूपमा पर्सा जिल्लाको प्रशासन र प्रहरीसँग सम्पर्कमा छन् । उनले विभिन्न समुदायका अगुवासँग समन्वय गर्दै शान्ति कायम गर्ने प्रयासलाई निरन्तरता दिइरहेको बताएका छन् ।
‘प्रचारबाजी होइन, नेपथ्यको प्रयास आवश्यक’
मन्त्री यादवले यस्ता संवेदनशील मुद्दामा हल्ला र प्रचारबाजीभन्दा पर रहेर गम्भीर र परिणाममुखी संवाद र पहल गर्नुपर्नेमा जोड दिएका छन् । “शान्ति र सद्भावका लागि गरिने प्रयत्न हो—हल्ला र प्रचारबाजीभन्दा नेपथ्यबाट गम्भीर प्रयास गर्नुपर्छ भन्ने मेरो मान्यता हो,” उनले भने ।
उनले वीरगंजबासीलाई आश्वस्त पार्दै भने, “हामी सबैको सामूहिक प्रयासले वीरगंज आफ्नो पुरानै लयमा अवश्य फर्कन्छ ।” भनेका छन्र ।
यसअघि वीरगंज क्षेत्रमा विभिन्न पर्वका समयमा धार्मिक जुलुस तथा अन्य घटनालाई लिएर तनाव सिर्जना हुने, सामाजिक सञ्जालमा उत्तेजनात्मक अभिव्यक्तिहरू फैलिने, र केही स्थानमा झडप तथा तोडफोडका घटनाहरू देखिएका थिए । यिनै घटनालाई मध्यनजर गर्दै मन्त्री यादवले संयमता र संवेदनशीलताको आह्वान गरेका हुन् ।
सम्बन्धित समाचार
सद्भाव बिथोल्ने आरोपमा पक्राउ परेका पाँचै जनामाथि ६ दिनको म्याद थप, राज्यविरुद्धको कसुर र आपराधिक उपद्रोको मुद्दा
पत्रकारमाथि भएको आक्रमणप्रति नेपाल पत्रकार महासंघको गम्भीर ध्यानाकर्षण, दोषीलाई कारबाहीको माग
बारा प्रशासनद्वारा धार्मिक सहिष्णुता र शान्ति सुरक्षाका लागि मुस्लिम अगुवासँग छलफल
राजनीतिक संरक्षणले पुनः साम्प्रदायिक झडप | संलग्नलाई कार्वाही गर्ने सर्वपक्षीय निर्णय [ विस्तृत भिडियाेे रिपाेर्ट ]
हिन्दुवादी युवाहरूको पक्राउको विरोधमा विहानदेखि टायर बालेर प्रदर्शन
छपकैयाको झडपपछि शीर्ष नेतृत्वप्रति असन्तोष, जसपाका नेताहरू फेसबुक मार्फत भट्टाभट्ट राजीनामा दिदै
पर्साको द्वन्द्व समाधान गर्न बोलाइएको सर्वदलीय बैठकमै गाली गलौज, स्थगित बैठक सुचारू
वीरगंजको छपकैयामा हनुमान जयन्तीको जुलुसमा दुई समुदायविच झडप छपकैया क्षेत्र तनावग्रस्त (भिडियाे सहित)
सर्वदलीय बैठक सम्पन्न, सामुदायिक द्वन्द्व फैलाउने जो कोहीमाथि कारबाही गर्ने संयुक्त निर्णय
सर्वसधारणलाई जोगाउदाँ पर्साका प्रहरी उपरिक्षक सहित २५ प्रहरी घाईते, २ दर्जनबढी सर्वसधारण घाईते [ भिडियाे रिपाेर्ट सहित ]
वीरगंजमा कर्फ्यु जारी, भेला र जुलुसमा पूर्ण प्रतिबन्ध
सम्बन्धित भिडियाे
