रौतहट | डिभिजन वन कार्यालय रौतहटले चालु आर्थिक वर्ष २०८०/८१ मा वन ऐन उल्लङ्घन गरी अवैध रूपमा काठ तथा अन्य वन पैदावार ओसारपसार गर्ने २६ वटा सवारी साधन नियन्त्रणमा लिएको छ ।
1-1747134174.jpg)
कार्यालयले सार्वजनिक गरेको तथ्याङ्कअनुसार, ती सवारी साधनहरूबाट साल काठसहितको ठूलो परिमाणको वन पैदावार बरामद गरिएको छ । साउनदेखि वैशाख मसान्तसम्म नियन्त्रणमा लिइएका सवारीसाधनहरूमा ट्रक, ट्याक्टर, साइकल र मोटरसाइकल रहेका छन् । अवैध ओसारपसारमा संलग्न २६ वटा सवारीसाधनबाट जम्मा २५,९६,६६५ रुपैयाँ बराबरको अवैध सामान नियन्त्रणमा लिइएको कार्यालयको विवरणमा उल्लेख छ ।
2-1747134297.jpg)
कतिपय घटनामा दोहोरो सवारी प्रयोग (साइकल स्थान १, २, ३ र ४) र काठ लुकाएर तस्करी गरिएको पाइएको छ । यसबाहेक, रौतहटको विभिन्न स्थानमा भएका वन अतिक्रमणमाथि पनि नियन्त्रण गरिएको छ ।
गढीमाई नगरपालिका, फूलबारी, खयरधारी र भुलटार क्षेत्रलगायतका स्थानहरूमा गरी जम्मा १२.७४७ हेक्टर वन क्षेत्र अतिक्रमणमा परेको फेला परेको छ । तीमध्ये कतिपय स्थानमा तारबार हटाइ पुनः वन क्षेत्र कायम गरिएको, कतै वृक्षारोपण गरिएको र केही स्थानमा दोषी उपर मुद्दा दायर गरिएको जनाइएको छ ।
3-1747134344.jpg)
भुलटार क्षेत्रको अतिक्रमण प्रकरणमा "बीरबहादुर लोजन" माथि वन फाइल तयार पारिएको र कारबाही प्रक्रियामा रहेको उल्लेख गरिएको छ ।
डिभिजन वन कार्यालय रौतहटले वन सम्पदा संरक्षणका लागि निगरानी र अनुगमन कार्य अझ प्रभावकारी बनाइरहेको र दोषी उपर कडा कारबाही गरिने जानकारी दिएको छ ।
4-1747134378.jpg)
