बर्दिबासमा ब्राउन सुगरसहित दुई युवक पक्राउ

राष्ट्रिय

Home
राष्ट्रिय
बर्दिबासमा ब्राउन सुगरसहित दुई युवक पक्राउ

बर्दिबासमा ब्राउन सुगरसहित दुई युवक पक्राउ

वीरगंज सिटी शुक्रबार, जेठ २, २०८२

महोत्तरीको बर्दिबास नगरपालिका–३ स्थित गौरीडाँडाबाट लागुऔषध ब्राउन सुगरसहित दुई युवक पक्राउ परेका छन्।

लागुऔषध नियन्त्रण ब्यूरो शाखा कार्यालय बर्दिबास र इलाका प्रहरी कार्यालय बर्दिबासबाट खटिएको संयुक्त प्रहरी टोलीले शुक्रबार बिहान साढे ११ बजे यात्रुबाहक बसमा चेकजाँचका क्रममा ती युवकलाई पक्राउ गरेको हो।

प्रदेश १–०१–००१ ख ४१५६ नम्बरको बस जाँचका क्रममा बसमा सवार युवकहरूलाई संकास्पद देखिएपछि शरीर तलासी गर्दा निषेधित लागुऔषध फेला परेको जिल्ला प्रहरी कार्यालय महोत्तरीका प्रवक्ता डिएसपी शैलेन्द्र कुमार भट्टले जानकारी दिए।

उनका अनुसार ती युवकले लगाएको कालो पाइन्टको दाहिने खल्तीमा लुकाएर राखिएको सूर्या चुरोटको खालि बट्टाभित्र फिका हरियो प्लास्टिकले बेरेर राखिएको ७.७३ ग्राम खैरो हिरोइन (ब्राउन सुगर) बरामद गरिएको हो।

पक्राउ पर्नेमा सिरहा नगरपालिका–७, महेश्वरथानका २० वर्षीय दुर्गेश यादव र सर्लाहीको बलरा नगरपालिका–४ स्थायी ठेगाना भई हाल सिन्धुलीको कमलामाई नगरपालिका–८ मा बस्दै आएका २७ वर्षीय धर्मेन्द्र साह (उर्फ ‘चलाख’) रहेका छन्।

उक्त अपरेशन प्रहरी नायब उपरीक्षक (डीएसपी) बिकास बमको कमाण्डमा र प्रहरी नायब निरीक्षक सरोज कुमार अधिकारीको नेतृत्वमा गरिएको थियो।