स्काईलाइन मल जग्गा प्रकरण : खानेपानी मन्त्री प्रदीप यादवको स्वकिय सचिवको संलग्नता

नेता गिरी

Home
नेता गिरी
स्काईलाइन मल जग्गा प्रकरण : खानेपानी मन्त्री प्रदीप यादवको स्वकिय सचिवको संलग्नता

स्काईलाइन मल जग्गा प्रकरण : खानेपानी मन्त्री प्रदीप यादवको स्वकिय सचिवको संलग्नता एउटै जग्गामा थरीथरीका जालझेल जग्गा खरिददेखि क्यासिनो अनुमतिसम्म बदमासी

वीरगंज सिटी शुक्रबार, साउन ३०, २०८२

वीरगंजको आदर्शनगरस्थित स्काईलाइन जग्गा प्रकरण झन पेचिलो बन्दै गएको छ । स्काइलाइनको जग्गा प्रकरणमा खानेपानी मन्त्री प्रदीप यादवको संलग्नताको तथ्यहरु पनि खुल्दै गएका छन् ।

गतसाता वीरगंजको सिर्सिया नदी प्रदुषण नियन्त्रण कार्यक्रमा खानेपानी मन्त्री प्रदीप यादवले वीरगंजको जग्गामा भुमाफिया लागिपरेको भन्दै चिन्ता व्यक्त गरेका थिए । साथै उनले अब ति जग्गाहरुको संरक्षण गर्न स्थानीय सरकार खासगरि महानगर प्रमुख राजेशमान सिंह निर्देशन पनि दिए । तर त्यहि आदर्शनगरस्थित स्काइलाइनको जग्गा हत्याउन मन्त्री यादव कै स्वकिय सचिव निखिल वर्णवालले मिलापत्र गरेका छन् ।

स्काइलाइनको जग्गा निखत प्रविण अंसारीको हो । तथ्य प्रमाण मालपाेत लगायतकाे अड्डाले त्यहि भन्छ । आफ्नो जग्गा भुमाफियाहरुले हडपेपछि २०६९ सालदेखि उनी कानूनी लडाई लडिरहेकि छन् । कहिले मालपोत, कहिले नापी कार्यालय त अदालतको चक्कर काटिरहेकी छन् ।

आफ्नो जग्गा भुमाफियाहरुले हडपेको चाल पाएपछि अंसारीले उनीहरु विरुद्ध पर्सा जिल्ला अदालतमा १० थान किर्ते जालसाझी र फैसला बदर गरि आवश्यक कारबाहीका लागि विभिन्न निकायसँग गुहार माग्दै आएकि छिन् । उनले अख्तियार दुरुपयोग अनुसन्धान आयोग र भुमि सुधार मन्त्रालय मार्फत छानविन गरि कारबाही गरिपाउँ भनि उजुरी दिएकि थिइन् ।

भुमि सुधार मन्त्रालयले सत्यतथ्य छानविन गरि आवश्यक कारबाही गर्न पत्रचार गरेको छ ।

मालपोत कार्यालय पर्साले पनि जग्गा हत्याउने व्यक्ति तथा संस्थाहरुलाई जग्गा कुन श्रोतबाट प्राप्त गरेको भनी प्रमाण पेश गर्न २१ दिने म्याद जारी गरेको थियो । तर जग्गा हत्याउनमा संलग्नहरु कितपय भने सम्पर्कमै नआएको मालपोत कार्यालय पर्साले जनाएको छ केहिले भने प्रमाण पेश गरेका छन् ।

कुनैपनी जग्गा खरिद गर्दा कहाँबाट खरिद हुदैँ आएको साबिक जग्गा धनीको प्रमाण, श्रोत लगायतका सम्पुर्ण विवरण‍ जग्गाधनीसँगै मालपोत र नापी कार्यालयको अभिलेखमा हुन्छ । पछिल्लो समय विद्युतिय प्रणाली भएकाले नापि विभाग र भुमिसुधारको अभिलेखमा समेत रहन्छ । तर अंसारीको जग्गा हत्याउनेहरुको किर्ते प्रमाण मालपोत, भुमिसुधार कतै भेटिएको छैन । ति किर्ते कागजात बनाउन शक्ति र पहुँचवालाहरुकै संलग्नता रहेको खुलेको छ ।

विस्तृत भिडियाेमा ...