पर्साको आदर्शनगर क्षेत्रमा रहेको तीन कठ्ठा जग्गा नक्कली व्यक्तिको नाममा पास गरी हडपिएको घटनाले पुनः ध्यान तानेको छ ।
निखित प्रविण अंसारीको २०५८ सालमा भारतमा विवाह भयाे ।
नरेश बहादुर साहबाट रामविन्दु राउतले खरिद गरेको राजिनामा पत्रकाे फोटो
निखितका बुवा अब्दुल कासिमले २०५९।०६।२३ मा दाइजो स्वरुप रामविन्दु राउतबाट खरिद गरिदिएकाे ३ कठ्ठा जग्गाकाे राजिनामा पत्रकाे फाेटाे ।
निखितका बुवा अब्दुल कासिमले २०५९।०६।२३ मा दाइजो स्वरुप रामविन्दु राउतबाट खरिद गरिदिएकाे ३ कठ्ठा जग्गाकाे राजिनामा पत्रकाे फाेटाे ।
आफ्नो जग्गाको मालपोत तिरेको रसिद प्रमाणहरु । निखित प्रविणकाे जग्गा २०२९ सालमा अधिग्रहणमा परेकाे अहिलेका मेयरले देखाउन लगाएपनी वीरगंज महानगरपालिकाले २०६३ सम्म उनकाे जग्गाकाे मालपाेत बुझेका छन् । यसका प्रमाणहरू ।
निखत परविणले आफ्नो जग्गाको मालपोत तिरेको रसिद प्रमाणहरु
२०६३ सालसम्म निखितकै जोतभोगमा जग्गा रहेको थियो । त्यसपश्चात् उनको बुवाको व्यापारमा घाटा लागेपछि भारततिर व्यापारको सिलसिलामा गए ।
त्यसपश्चात् २०६८ सालमा आएर हालसाबिक लागि २०६८।०७।२७ मा निवेदन दिएपश्चात् मालपोत कार्यालयले नापी कार्यालय पर्सालाई पत्र लेखेको थियो तर पत्रको जवाफ दिएन । भूमाफियाहरूको मिलोमतोमा मिसिल समेत गायब गरिएको थियो ।
त्यसपश्चात् भारत रहेकी निखितलाई अनावश्यक व्यक्तिहरूले फोन गरी धाक धम्की दिने, वीरगंज आए ज्यान मार्ने धम्की लगायतको दिने गरेको निखित प्रविण बताउँछिन् ।
त्यसपश्चात् निखित प्रविणले आफ्न्तको सहयोगमा २०६९।०८।२९ गते पुनः हालसाबिक माग गरी मालपोत कार्यालय पर्सामा निवेदन दिएपश्चात् मालपोत कार्यालय पर्साले पुनः नापी कार्यालयसँग हालसाबिक विवरण माग गरेको थियो । त्यसपछि पुनः भूमाफियाहरू सक्रिय भई निखितको आफ्न्तलाई पनि धाकधम्की दिएपछि डरले उनीहरू मालपोत कार्यालय आउन छोडेको देखिन्छ ।
त्यसपछि स्काईमल प्रा.लि. सञ्चालक लगायतले डमी निखित प्रविण खडा गरी मालपोत कार्यालय बाराबाट रिना देवि साहको नाममा जग्गा खरिद बिक्री हुन्छ । जग्ग पर्सामा, मालपोत कार्यालय निखितको घर नजिकै, जग्गा समेत नजिकै तर जग्गा पास भने, नक्कली निखित खडागरी मालपोत बाराबाट पास हुन्छ ।
निखित परविनले जग्गा खरिद गर्दा ३ लाख रुपैयाँ थैलि राखी खरिद गरेको तर नक्कली निखित परविन मार्फत रिना देवि साहलाई मालपोत कार्यालय बाराले ११ वर्षपछि २०७०।११।२५ गते र.नं.३८९३/३ मा १ लाख थैलि राखी भूमाफियाको मिलोमतोमा खरिद बिक्रीको नाटक मञ्चन हुन्छ ।
बाराबाट नक्कली निखित मार्फत रिना देवि साहले खरिद गरेको जग्गाको पत्र
यसपश्चात् भूमाफियाहरू चुप लागेर बस्छन् । जग्गा खरिद गरेको एकवर्षपछि २०७१।०९।०४ मा दाखा र हालसाबिकका लागि रिना देवि साहले निवेदन दिन्छिन् । भूमाफियाको मिलोमतोमा रिना देवि साहले निवेदन दिदाँ मालपोत कार्यालय पर्साले वीरगंज महानगरपालिकालाई यो जग्गा आदर्शनगर विकास समितिमा परेको छ की छैन् भनेर सोध्दा महानगरले मिति २०७२।३।७ गते चं. न. १४६२९।०७१।०७२ को पत्र र मिति २०७२।०४।०८ मा च.नं. ११३/०७२/०७३ मा यो जग्गा आदर्शनगर विकास समितिमा नपरेको र २०२९ साल असोज २ गतेको राजपत्रमा पनि सो जग्गा नपरेको राजपत्रको सक्कल सहित जवाफ पठाउँछ ।
महानगरले नापीलाई पठाएको पत्रहरु ।
भूमाफियाले किर्ते गराएका रिनादेवि साहले सोध्दा आदर्शनगर विकास समितिमा नपरेको जवाफ पठाउँछ तर सोही जग्गाको बारेमा असली जग्गाधनी निखित प्रविणले जग्गा आफ्नो दाबी गर्दा वीरगंज महानगरपालिकाले २०८१।०४।०१ मा चं.नं. ०१/०८१/०८२ को पत्र मार्फत मालपोत कार्यालय प्रमुखलाई सम्बोधन गर्दै २०२९ सालमा जग्गा अधिग्रहण गरी, अधिग्रहण गरेको जग्गा सबै नक्साङ्कन गरी प्लट नम्बरहरु कायम गरी बिक्री वितरण गरेको जवाफ पठाउँछ । जग्गा एउटै नक्कली जग्गाधनीलाई आदर्शनगर विकास समितिमा नपरेको तर असली जग्गाधनीलाई आदर्शनगर विकास समितिमा परेको जवाफ अहिलेका मेयर राजेशमान सिंहको निर्देशनमा पठाएको देखिन्छ ।
राजपत्रमा खुलाएर राखेको विस्तृत विवरण ।
तत्पश्चात महानगरका नगरप्रमुख, प्रशासकीय अधिकृत र नक्सा शाखा प्रमुखलाई सम्बोधन गर्दै निखित प्रविणले २०८१।०४।०७ गते निवेदन दिन जान्छ । निवेदन दिन जादा उनको निवेदन कसैले लिन मान्दैन र धम्काएर फिर्ता पठाइदिन्छ । त्यसपश्चात् निखित प्रविणले हुलाक मार्फत तीनैजना जिम्मेवार व्यक्तिहरूलाई निवेदनमा कुन मिति र कुन स्तरको निर्णयबाट मेरो जग्गा अधिग्रहण भएको हो र सो जग्गा अधिग्रहण पश्चात कुन मिति र कुन स्तरको निर्णयबाट को कसलाई बिक्री वितरण भएको हो र सो जग्गा मालपोत कार्यलयमा पास गर्न कुन स्तरको कर्मचारीलाई जिम्मेवारी तोकिएको हो त्यसको व्यहोरा खुलाई हुलाक मार्फत निवेदन दर्ता गराई जवाफ माग्दाँ हालसम्म जवाफ दिएको छैन् ।
मालपोत कार्यालयले असलि जग्गाधनी निखित प्रविणको निवेदनमा कार्वाही चलाउदाँ वीरगंज महानगरपालिकाले आदर्शनगर विकास समितिमा परेको भन्दै पठाएको जवाफ । जबकी यससम्बन्धी कुनस्तरको निर्णयबाट अधिग्रहण भएको हो त्यसको रेकर्ड पठाएको छैन् ।
हुलाक मार्फत नगरप्रमुखलाई जवाफ मागेका पत्र ।
निखितले मागेको जवाफ त महानगरले दिएन । यता नापी कार्यालय पर्साले रुकमणि देवि केडियाको जग्गा आदर्शनगर विकास समितिमा परेको छ की छैन् मिति २०८१।०५।१३ मा च.नं. ९७१ मार्फत जवाफ माग्दा वीरगंज महानगरपालिकाले हालसम्म जवाफ दिएको छैन् । भने, रुकमणि देवि केडियाका नाती प्रदिप केडियाले हरेश खाएर नापी कार्यालय पर्सामा कार्यालय प्रमुखलाई सम्बोधन गरी निवेदन दिएर मिति २०८१।०५।१३ पत्रको महानगरले कुनै जवाफ पठाएको छ कि भनेर सोध्दा कुनै जवाफ नपठाएको नापी अधिकृत दिपक कुमार सिंहले मौखिक जवाफ दिएका छन् । तर केहि अनलाईन मिडियाहरुमा आदर्शनगर विकास समितिमा जग्गा पर्ने भनी प्रायोजित समाचार एकपछि अर्को आइरहेको निवेदक निखित प्रविण र उनका वारेस संजय ठाकुर अर्का जग्गाधनी रुकमणि केडियाको हकखाने नाती प्रदिप केडियाले बताए ।
जग्गा धनीहरुले जग्गा आदर्शनगर विकास समितिको कै हो भने प्रमाण कहाँ छ, कसले जवाफ दिने ? कि किर्ते तरीकाले जग्गा हडपने भुमाफियाबाट प्रयोजित पत्रकारले जवाफ दिने हो ? या कसले जवाफ दिने हाे ? त्यसको प्रमाण पेश गर्न जग्गा धनी निखित प्रविणका वारेस संजय ठाकुर, प्रदिप केडिया लगायतले चुनौति दिएका छन् । अन्यथा यी प्रायोजित अनलाईन मिडियाका पत्रकारहरू विरुद्ध कानुनी प्रकृयाको लडाईमा जाने बताए ।
एकातर्फ जग्गा आदर्शनगर विकास समितिबाट किनेको भूमाफियाहरूको दाबी रहेको छ । अर्को तर्फ नक्कली निखित प्रविण खडागरी मालपोत कार्यालय बाराबाट जग्गा पास गर्छ र जग्गा रहेको पर्सामा मालपोत पर्सामा आएर निखत परविणको श्रेस्ता बदर गरी आफ्नो नाममा श्रेस्ता कायम गर्न प्रयास गर्छ । तर मालपोतको केही इमन्दार कर्मचारीबाट बदर गर्न नमानेपछि खरिदार मदन प्रसाद सत्यालको मिलोमतोमा यो जग्गा अरुले हालसाबिक गरी लगिसकेको हुनाले अदालतबाट हक कायम गरी आएको बखत हालसाबिक हुनेगरी निर्णय गराउन सफल हुन्छ । खरिदार सत्यालले मालपोत कार्यालयको २०७२।११।१२ गतेको टिप्पणी आदेशबाट अदालतबाट हक कायम गराउन निर्णय गराएर भूमाफियाहरू चुप लागेर बसेको देखिन्छ ।
मालपोतको टिप्पणी आदेश ।
त्यसपश्चात् मालपाेत र नापी विरूद्ध निखित परविणले २०७४।११।०६ गते उच्च अदालत जनकपुर अस्थाई वीरगंजमा मालपोत कार्यालय र नापी कार्यालयको विरुद्धमा आफ्नो जग्गा हालसाविक नगरिदिएकाले हालसाविक गरिदिन परमादेश मुद्दा दर्ता गर्छिन । उच्चले २०७५।०३।११ गते ०७४-WO - 0170 मालपोत कार्यालय पर्सा र नापी कार्यालय पर्साको नाममा उच्च अदालतको माननिय न्यायधिश सिवनारायण यादव र वासुदेव अचार्यको संयुक्त इजलासले मालपोत कार्यालय पर्सा र नापी कार्यालय पर्सालाई निखित परविनको नाममा हालसाविक गर्न परमादेश जारी गरिदिएको छ । उच्चको आदेशपछि भुमाफियाहरुको निन्द हराम हुन्छ तर भूमाफियाहरूले शक्तिको आडमा उच्चको आदेश समेत कार्यन्वयन गर्न दिएको छैन् ।
तत्पश्चात यीनिहरु अर्को चलखेलमा लागेको देखिन्छ । आफ्नो किर्ते धन्दालाई कानुनसम्मत बनाउन अदालतलाई समेत गुमराहमा राखेर आफ्नो किर्ते धन्दाको प्रमाणिकरण गर्न प्रयास गरेको अर्काे प्रमाणहरुबाट देखिन्छ ।
जिल्ला अदालतमा मुद्दा नं. 075-CP-1587, 075-C4-0281, 075-CP-1653, 075-C4-0297, 075-C4-0278, 075-CP-1654, 075-CP-1589 र 075-CP-1588 हालसाबिक बदर, किर्ते जालसाभि दर्ता गराएकाे छ ।
स्काईलाईन इन्फ्रा प्रालि र उधोग वाणिज्य संघका पुर्व अध्यक्ष अनिल पटवारीका बुवा महाविर प्रसाद अग्रवालको सहयोगमा मालपोत कार्यालय बाराबाट किर्ते जग्गाधनी बनेकी रिनादेवि साहले २०७५।१०।२८ गते स्काईलाईन इन्फ्रा प्रालि, महाविर प्रसाद अग्रवाल, उमेश चन्द्र नेपाल र सुनिल कुमार गुप्ता माथि पर्सा जिल्ला अदालतमा हालसाबिक बदर किर्ते जालसाझि मुद्दा दर्ता गरी अदालतमा भूमाफियाहरूले चलखेल गरी एकवर्ष चुपचाप बसेको देखिन्छ । त्यसपछि एकैपटक २०७६।११।१८ मा यी सबै मुद्दा लगाव गराउन आदेश गराई चुप लागेर फेरी बसेको देखिन्छ ।
त्यसपछि २०७७।०६।१२ मा नक्कली निखत प्रविणबाट जग्गा खरिद गरेकी रिनादेवि साहले भूमाफियाहरूको मिलोमतोमा आफ्नो दाबी फिर्ता लिई स्काईलाईन इन्फ्रा प्रालि र महाविर प्रसाद अग्रवालले नै म बाट जग्गा किनेको जिल्ला अदालतबाट देखाउन खोजेकि छिन् । तर उमेश चन्द्र नेपाल र सुनिल कुमार गुप्ताले स्काईलाईन इन्फ्रा प्रालिलाई आफ्नो जग्गा दिन नमानेपछि उनीहरू माथिको दाबी फिर्ता लिदैनन् ।
एकातिर भुमाफियाहरूले आदर्शनगर विकास समितिबाट खरिद गरेकाे दाबी गर्छ अर्काेतर्फबाट आफैले खडा गरेरकाे नक्कलि जग्गाधनीबाट जिल्ला अदालतमा गएर मिलापत्र गर्छ यसले आम सर्वसधारणा ठुलाेबडाकाे पहुँचमा संगठित अपराध भइरहेकाे देखाउँछ ।
एक अर्को जग्गा दलाल संगठित भई संगठित अपराध गरेवापत तिनिहरु विरुद्ध मुलुकी अपराध संहिता ऐेन, २०७४ अनुसार संगठित अपराधमा ७ वर्ष जेल सजाय र जरिवाना वा दुवै हुने व्यवस्था रहेको छ । यसका लागि आवश्यक प्रकृया समेत चालिने जग्गाधनीहरुले बताएका छन् ।
भुमाफियाहरूले यतिमात्र नभइ अब उनिहरुले मुद्दा उच्चसम्म लगेका छन्, त्यसमा समेत विभिन्न चलखेल गरिएकाे देखिन्छ यसका साथै निखितकाे जग्गा हडप्न अर्काे प्रपञ्च समेत रचिएकाे खुलेकाे छ साेकाे प्रमाण सहित अर्काे अंकमा प्रकाशित गरिनेछ ।
सम्बन्धित समाचार
भिडियाे सामाग्री
