भारत सरकारले नेपाल सरकारलाई निर्वाचनको तयारीका लागि २ सय २० वटा सवारीसाधन प्रदान गरेको छ । निर्वाचनका लागि नेपाल सरकारको आग्रह अनुसार भारत सरकारले दोश्रो लटमा उक्त सवारीसाधनहरु हस्तान्तरण गरेको हो ।
बिहीबार अर्थ मन्त्रालयमा नेपालका लागि भारतका कार्यवाहक राजदूत डा. राकेश पाण्डेले सवारीसाधनहरुको साँचो हस्तान्तरण गरेका थिए । अर्थमन्त्री रामेश्वर खनालले नेपाल सरकारको अनुरोध अनुसार भारत सरकारले निर्वाचनका लागि सवारीसाधन सहयोग गरेको जानकारी दिए ।
उनका अनुसार, भारतले उपलब्ध गराउने करिव ६५० वटा विभिन्न किसिमका सवारीसाधनमध्ये बिहीबार दोश्रो लटमा करिव २२० वटा सवारीसाधन प्राप्त भएको हो । बाँकी रहेका सवारीसाधनका साथै प्रहरीलाई आवश्यक अन्य सामग्री पनि भारत सरकारबाट सहयोगस्वरूप प्राप्त हुने मन्त्री खनालले बताए ।
केही दिनअघि भारतले ६० भन्दा बढी सवारीसाधन नेपाललाई हस्तान्तरण गरिसकेको थियो ।
