दुबई अन्तर्राष्ट्रिय विमानस्थल अस्थायी रूपमा बन्द गरिएको छ ।
दुबईका अधिकारीहरूले यात्रु तथा कर्मचारीहरूको सुरक्षा सुनिश्चित गर्न सावधानीस्वरूप उडानहरू स्थगित गरिएको बताएका छन् । यसअघि अधिकारीहरूले विमानस्थल नजिकै लागेको आगो नियन्त्रणका लागि प्रयास जारी रहेको बताएका थिए । दुबई मिडिया अफिस का अनुसार सोमबार भएको ड्रोन आक्रमणबाट विमानस्थल नजिकै रहेको इन्धन ट्याङ्कीमा आगलागी भएको थियो ।
फेब्रुअरीको अन्तिमतिर संयुक्त राज्य अमेरिका–इजरायल र इरान बीच युद्ध सुरु भएपछि उक्त विमानस्थल यात्रु आवागमनका हिसाबले विश्वकै सबैभन्दा व्यस्त हवाई अड्डामध्ये एक बनेको थियो। बीबीसी का अनुसार सन् २०२५ मा यहाँ झण्डै नौ करोड यात्रुले यात्रा गरेका थिए ।
फेब्रुअरी २८ देखि सुरु भएको अमेरिका–इजरायल र इरानबीचको द्वन्द्वपछि खाडी क्षेत्र मा मिसाइल तथा ड्रोन आक्रमण तीव्र बनेका छन् । त्यसयता खाडीका अरब मुलुकहरूले दुई हजारभन्दा बढी मिसाइल तथा ड्रोन आक्रमणको सामना गरिसकेका छन् ।
यी आक्रमणका लक्ष्यहरूमा अमेरिकी कूटनीतिक नियोग र सैन्य अड्डामात्र नभई तेल पूर्वाधार, बन्दरगाह, विमानस्थल, होटल, आवासीय तथा कार्यालय भवनहरू समेत परेका छन् । सन् २०२० मा इजरायलसँग कूटनीतिक सम्बन्ध सामान्यीकरण गरेको संयुक्त अरब इमिरेट्स माथि यस्ता आक्रमणको प्रभाव सबैभन्दा बढी परेको बताइएको छ ।
यद्यपि खाडीका अन्य अरब मुलुकहरू पनि यसबाट प्रभावित भएका छन् र ती सबैले इरानको आलोचना गरेका छन् ।
