रास्वपा संसदीय दलका नेता बालेन्द्र शाह (बालेन) ले राष्ट्रपति रामचन्द्र पौडेल को उपस्थितिमा शीतल निवासमा आयोजित विशेष समारोहमा प्रधानमन्त्री पदको शपथ ग्रहण गरेका छन् ।
संविधानको धारा ७६ को उपधारा (१) अनुसार प्रतिनिधि सभामा बहुमत प्राप्त दलको नेताको रूपमा उनलाई प्रधानमन्त्री नियुक्त गरिएको थियो । यो नेपाल संविधान २०७२ जारी भएपछि पहिलोपटक यो धाराको प्रयोग गर्दै प्रधानमन्त्री नियुक्ति भएको घटना हो । साथै, मधेशी समुदायका व्यक्तिले प्रधानमन्त्री पद सम्हालेको यो पनि पहिलोपटक हो ।
काठमाडौ महानगरपालिकाका मेयरबाट राजीनामा दिई फागुन २१ को निर्वाचनमा भाग लिएका शाह पहिलोपटक संसद् छिर्नेबित्तिकै प्रधानमन्त्री बनेका हुन्। झापा क्षेत्र नम्बर ५ बाट पूर्वप्रधानमन्त्री केपी शर्मा ओली लाई झण्डै ५० हजार मतान्तरले हराउँदै उनी प्रतिनिधि सभा सदस्य निर्वाचित भएका थिए ।
मन्त्रिपरिषद् र जिम्मेवारीहरू
प्रधानमन्त्री बालेन शाह – रक्षा मन्त्रालय र उद्योग मन्त्रालय आफैंसँग
स्वर्णिम वाग्ले – अर्थ मन्त्रालय
सुधन गुरुङ – गृह मन्त्रालय
शिशिर खनाल – परराष्ट्र मन्त्रालय
सुनिल लम्साल – भौतिक पूर्वाधार, यातायात र सहरी विकास मन्त्रालय
विराजभक्त श्रेष्ठ – ऊर्जा, जलस्रोत तथा सिंचाइ मन्त्रालय
खड्कराज पौडेल – पर्यटन मन्त्रालय
सस्मित पोखरेल – शिक्षा, विज्ञान तथा प्रविधि र युवा तथा खेलकुद मन्त्रालय
निशा मेहता – स्वास्थ्य तथा जनसंख्या मन्त्रालय
विक्रम तिमिल्सिना – सञ्चार मन्त्रालय
प्रतिभा रावल – सामान्य प्रशासन मन्त्रालय
दीपक साह (महोत्तरी) – श्रम तथा रोजगार मन्त्रालय
सोविता गौतम – कानुन मन्त्रालय
गीता चौधरी – कृषि तथा पशुपन्छी विकास र वन तथा वातावरण मन्त्रालय
सीता वादी – महिला, बालबालिका मन्त्रालय
