बङ्गलादेशका राष्ट्रपति मोहम्मद साहाबुद्दिनले विद्यार्थी आन्दोलनको प्रमुख मागलाई सम्बोधन गर्दै मङ्गलबार संसद विघटन गरेका छन् ।
राष्ट्रपति साहाबुद्दिनका प्रेस सचिव सिप्लु जमानले संसद विघटनको जानकारी दिएका हुन् । सरकारी जागिरमा आरक्षण (कोटा) प्रणालीको विरोध गर्दै सुरु भएको विद्यार्थी आन्दोलनले प्रधानमन्त्री शेख हसिनालाई राजीनामा दिन बाध्य बनाएको छ ।
राष्ट्रपति साहाबुद्दिनले सोमबार राति सेना प्रमुख वाकर-उज-जमानलाई अन्तरिम सरकार गठन गर्न स्वीकृति प्रदान गरेका छन् ।
विद्यार्थी आन्दोलनका नेताहरूले बङ्गलादेशको वर्तमान राजनीतिक अवस्थालाई सम्बोधन गर्न नोबेल पुरस्कार विजेता डा. मुहम्मद युनुसलाई अन्तरिम सरकारको नेतृत्व गर्न प्रस्ताव गरेको ढाका ट्रिब्यूनले जनाएको छ।
