हरेक वर्ष असोज १ गते मनाइने विश्वकर्मा पूजाका लागि मधेश प्रदेशका विभिन्न क्षेत्रमा मूर्तिकारहरू मूर्ति बनाउन व्यस्त भएका छन् ।
विश्वकर्मा पूजाका लागि अर्डर तथा बुकिङ आउन थालेसँगै मूर्तिकारहरू विभिन्न आकारका मूर्ति निर्माण तथा सजावटमा व्यस्त भएका हुन्। तयार भएका मूर्तिमा रङरोगन तथा श्रृंगारको कामसमेत भइरहेको छ ।
यस वर्ष बिहीबार विश्वकर्मा पूजा परेको छ। पूजाका लागि मंगलबार वा बुधबारसम्म मूर्ति तयार गरिसक्नुपर्ने भएकाले मूर्तिकारहरूलाई कामको चाप बढेको छ ।
मधेश प्रदेशका वीरगञ्जसहित विभिन्न क्षेत्रमा अहिले विश्वकर्माको मूर्ति बनाउने काम धमाधम भइरहेको छ । पूजाका लागि आवश्यक मूर्ति समयमै तयार गर्न मूर्तिकारहरू बिहानदेखि अबेरसम्म काममा खटिएका छन् ।
विश्वकर्मा पूजाका अवसरमा विशेषगरी उद्योग, कलकारखाना, वर्कसप, ग्यारेज तथा विभिन्न प्राविधिक क्षेत्रमा प्रयोग हुने मेसिनरी तथा औजारको पूजा गर्ने चलन रहेको छ । सोही अवसरका लागि मूर्तिकारहरूले आकर्षक विश्वकर्माको मूर्ति तयार गरिरहेका छन् ।
.jpg)
.jpg)
.jpg)
.jpg)
.jpg)
.jpg)
.jpg)
.jpg)
