जाडोयाम सुरु भएसँगै भोलि (कात्तिक १६) देखि सरकारी कार्यालयको समय परिवर्तन हुने भएको छ । नयाँ समयतालिकाअनुसार सरकारी कार्यालय बिहान ९ बजेदेखि अपराह्न ४ बजेसम्म सञ्चालन हुनेछन् ।
नेपाल राजपत्रमा प्रकाशित गृह मन्त्रालयको सूचनाअनुसार कात्तिक १६ देखि माघ १५ गतेसम्म सरकारी कार्यालयको समय बिहान ९ बजेदेखि अपराह्न ४ बजेसम्म कायम गरिएको हो ।
यसअघि सरकारी कार्यालय बिहान ९ बजेदेखि अपराह्न ५ बजेसम्म सञ्चालन हुँदै आएका थिए। नयाँ व्यवस्थाअनुसार कार्यालय बन्द हुने समय एक घण्टा अगाडि सारिएको छ ।
जाडोयामलाई ध्यानमा राख्दै सरकारले सरकारी कार्यालयको समयतालिका परिवर्तन गरेको हो। यो व्यवस्था माघ १५ गतेसम्म लागू हुनेछ ।
