प्रधानमन्त्री बालेन्द्र शाह (बालेन) भारतको दुई दिने राजकीय भ्रमणमा गएपछि ऊर्जामन्त्री बिराजभक्त श्रेष्ठले कार्यवाहक प्रधानमन्त्रीको जिम्मेवारी पाएका छन् ।
राष्ट्रपति रामचन्द्र पौडेलले प्रधानमन्त्री शाहको अनुपस्थितिमा दैनिक प्रशासनिक कार्यभार सम्हाल्ने गरी ऊर्जा, जलस्रोत तथा सिँचाइमन्त्री श्रेष्ठलाई कार्यवाहक प्रधानमन्त्रीको जिम्मेवारी तोकेका हुन् ।
प्रधानमन्त्री शाहको सिफारिसमा संविधानबमोजिम मन्त्री श्रेष्ठलाई उक्त जिम्मेवारी प्रदान गरिएको राष्ट्रपति कार्यालयले जनाएको छ ।
भारतीय प्रधानमन्त्री नरेन्द्र मोदीको औपचारिक निमन्त्रणामा प्रधानमन्त्री शाह आइतबार दुई दिने राजकीय भ्रमणका लागि नयाँ दिल्ली प्रस्थान गरेका हुन् ।
भ्रमणका क्रममा प्रधानमन्त्री शाहले भारतका उच्च अधिकारीहरूसँग भेटवार्ता गर्ने कार्यक्रम रहेको छ। दुई दिने भ्रमण सम्पन्न गरी प्रधानमन्त्री शाह सोमबार काठमाडौं फर्किने कार्यक्रम छ।
प्रधानमन्त्री स्वदेश नफर्किएसम्म मन्त्री श्रेष्ठले कार्यवाहक प्रधानमन्त्रीका रूपमा दैनिक प्रशासनिक कार्यभार सम्हाल्नेछन् ।