हैजाले अक्रान्त बनेको बेलामा व्यक्तिगत रूपमा गुपचुप जपान भ्रमणमा निस्केका वीरगंज महानगरका मेयर राजेशमान सिंह आज फर्किएका छन् ।
यसअघि दुई समुदायबीचको झडपकै बेला मुस्ताङ ‘शयर’मा निस्केका मेयर सिंहले यसपटक हैजा फैलिरहेको संवेदनशील समयमा जपान भ्रमण गरेको भन्दै व्यापक आलोचना भएको थियो । महानगरपालिकामा फर्किएलगत्तै मेयर सिंहले सामाजिक सञ्जालमार्फत जेन–जी आन्दोलनलाई समर्थन जनाउँदै युवाहरुलाई सतर्क रहन आग्रह गरेका छन् । उनले आफ्नो स्टाटसमार्फत “घुसपैठ हुनसक्छ, सतर्क रहनुहोला” भनेका छन् ।
तर, वीरगंजमै हैजा फैलिएको विषयमा प्रश्न सोध्दा जेन–जी पुस्ताका किरण साहलाई मेयर सिंहले पद र पावरको आडमा उल्टै थर्काउँदै हप्काएको घटना अझै चर्चामा छ ।
यसअघि पनि किर्ते नागरिकताको विरोध गर्ने युवामाथि उनले आफ्ना कार्यकर्तामार्फत आक्रमण गराएको आरोप लागेको थियो । गृहमन्त्रीलाई कारबाहीको माग भइरहँदा उनले असान्दर्भिक रूपमा तत्कालीन प्रधानमन्त्री केपी शर्मा ओलीसँगको तस्बिर सार्वजनिक गर्दै “धन्यवाद केपी बा” भनेको भन्दै आलोचना थपिएको हो ।
वीरगंजका बासिन्दाले हैजा नियन्त्रण र राहतका काममा ध्यान दिनुपर्ने बेला व्यक्तिगत भ्रमणमा निस्केका मेयर सिंहमाथि जिम्मेवारीविहीन आचरण देखाएको भन्दै असन्तुष्टि जनाएका छन् ।
यस्ताे छ मेयर सिंहकाे पाेस्ट ।
Gen Z युवापुस्तामाथि गरिएको निर्मम दमनप्रति म गहिरो आक्रोश र तीव्र शब्दमा निन्दा गर्दछु । शान्तिपूर्ण आन्दोलनमै २० जना युवाले ज्यान गुमाउनु र सयौँ घाइते हुनु कुनै पनि सभ्य समाजले सहन नसक्ने आततायी कृत्य हो ।
यो केवल दमन मात्र होइन—युवाको भविष्यमाथि गरिएको प्रहार हो! अब केवल सरकारको राजीनामाले मात्र पुग्दैन; यस हत्याकाण्डको सम्पूर्ण जिम्मेवारी सरकारले लिनैपर्छ । युवाले उठाएका जायज मागहरू तत्काल सम्बोधन गरिनुपर्छ।
म युवाहरूको न्यायपूर्ण आन्दोलनमा पूर्ण ऐक्यबद्ध छु, आवश्यक परे सडकमा उत्रन पनि तयार छु। तर हाम्रो संघर्ष सधैं शान्तिपूर्ण र संयमित रहनुपर्छ । कसैको वहकावमा नपरी, गलत तत्वहरूको घुसपैठ हुन नदिन सतर्क रहनुहोला ।
शान्तिपूर्ण आन्दोलनमा शहादत प्राप्त गर्ने महान् युवा योद्धाहरूलाई उच्च सम्मानसहित हार्दिक श्रद्धाञ्जली अर्पण गर्दछु । शोकसन्तप्त परिवारजनप्रति गहिरो समवेदना व्यक्त गर्दछु र घाइतेहरूको शीघ्र स्वास्थ्य लाभको कामना गर्दछु ।
युवाशक्ति नै परिवर्तनको शक्ति हो । युवापुस्ताले आँटेको यो संघर्ष सफल होस्, भविष्य उज्ज्वल होस् शुभकामना
सम्बन्धित समाचार
किर्ते नागरिकता गरेका मेयरलाई कार्वाही गर्न गृहमन्त्रीसँग माग भइरहदा, मेयर भन्छन् धन्यवाद केपी बा !
मेयर राजेशमान सिंहलाई कारबाही गरे पाप लाग्ने : गृहमन्त्रीकाे दाबी | तीन तीनसांसदले बोलेपनि भएन कार्वाही, कार्वाही गराउन महामन्त्री गगन थापासँग गुहार
EXCLUSIVE : सलाई फैट्रिको सम्पति हत्याउन नक्कली अध्यक्ष बने वीरगंजका मेयर राजेशमान सिंह, जग्गा किने भोला कलवार गराए प्लटिङ (भिडियाे रिपाेर्ट सहित)
मेयर राजेशमान सिंहकाे नागरिकता किर्ते सम्बन्धि पेशी आज
मेयर राजेशमान सिंह नागरिकता किर्ते प्रकरण : साेमबारका लागि सर्याे पेशी
नागरिकता किर्ते प्रकरण : पर्सा प्रहरी मेयर सिंहको बचाउमा, उच्च अदालतको आदेशमा टालटुले जवाफ | पुनः विस्तृत विवरण पेश गर्न अदालतकाे आदेश
वीरगंजका मेयर राजेशमान सिंह विरुद्धको नागरिकता किर्ते प्रकरण : प्रहरीले बुझायो प्रतिवेदन, उच्चकाे रिट पेशीमा चढ्याे
वीरगंजका मेयर सिंहले गरेकाे किर्ते नागरिकता प्रकरण : उच्च अदालतकाे पत्र जिल्ला प्रहरी कार्यालयमा, लिखित जवाफ तयार गर्दै पर्सा प्रहरी (भिडियाे सहित)
वीरगंजका मेयर राजेशमान सिंह विरुद्धको नागरिकता किर्ते प्रकरण : प्रहरीलाई १५ दिनभित्र लिखित जवाफ पेश गर्न उच्च अदालतको अल्टिमेटम
वीरगंजका मेयर राजेशमान सिंहविरुद्ध नागरिकता किर्ते प्रकरणमा उच्च अदालतमा परमादेश माग सहितकाे रिट दर्ता
वीरगंज मेयर नागरिकता किर्ते प्रकरण : दुई महिनापछि बल्ल पञ्जिकरण अधिकारीसँग बयान लिए पर्सा प्रहरी
संघिय सदनकाे शुन्य समयमा नागरिकता किर्ते गर्ने वीरगञ्ज महानगरका मेयर राजेशमान सिंहलाई कारबाही गर्न डा. स्वर्णिम वाग्लेकाे माग (भिडियाे सहित)
