पद र पावरको दुरुपयोग गर्दै वीरगंज महानगरमा नगर प्रहरीबाट विभिन्न व्यक्तिहरुलाई पक्राउ गर्ने र कुटपिट गर्ने चाैथाे घटना बाहिरिएकाे छ ।
अनुमति लिएर एक्सचेन्ज मेला लगाउदाँ वीरगंज महानगरका नगर प्रहरीको गुण्डागर्दी शैलिमा कुटिपट गरेकाे घटना बाहिरिएकाे छ । भारतीय दुतावास अगाडि रहेको रोहित ईन्टरप्राईजेजले लालबंगलाको खाली जग्गामा लगाएको हिरो एक्सचेन्ज मेलामा वीरगंज महानगरपालिकाका नगर प्रहरीले गुण्डागर्दी रुपमा कर्मचारीहरुलाई कुटपिट गरेको छ ।
भारतीय दूतावास अगाडि रहेको लालबंगलाको खाली जग्गामा रोहित ईन्टरप्राइजेजले आयोजना गरेको हिरो एक्सचेन्ज मेलामा वीरगंज महानगरपालिकाका नगर प्रहरीले गुण्डागर्दी शैलीमा कर्मचारीमाथि कुटपिट गरेको भिडियाे सार्वजनिक भएकाे हाे ।
रोहित ईन्टरप्राइजेजका संचालक संजय साहका अनुसार, महानगरपालिकासँग अनुमति लिएर प्रत्येक वर्ष जस्तै यस वर्ष पनि मेला आयोजना गरेका थियाैँ । तर, मेलामा महानगरपालिकाका नगर प्रहरीहरूले टेन्ट जबरजस्ती खोल्ने, प्रचार–प्रसारका ब्यानर खोस्ने, कर्मचारीमाथि कुटपिट गर्ने लगायतका कार्य गरेको बताए ।
प्रचार–प्रसारको प्रमुख भन्ने रञ्जन यादवले आफू अस्पतालमा भएको अवस्थामा नगर प्रहरी बोलाएर गुण्डागर्दी शैलीमा कर्मचारीमाथि आक्रमण गराएकाे संचालक संजय साहले बताए ।
उनका अनुसार अाफु हस्पिटलमा रहेकाले ‘साझ भेट्न आउनुहोस्’ भन्दाभन्दै नगर प्रहरी ल्याएर हाम्रो कर्मचारीसहित ग्राहकमाथि पनि दुर्व्यवहार गरेका थिए ।”
स्थानीय व्यवसाय प्रवर्द्धनको उद्देश्य राख्दा पनि, महानगरको वर्तमान नेतृत्वले व्यवसायीमाथि गुण्डागर्दी शैली अपनाएकाे साहले आरोप लगाए । उनका अनुसार, हरेक वर्ष अनुमति लिएर मेला सञ्चालन गर्ने सञ्चालकलाई नगर प्रहरीले धम्की दिने र टेन्ट, ब्यानर नियन्त्रणमा लिने शैली अपनाएको छ ।
सामान्यतया नेपाल प्रहरीले कसैलाई पक्राउ गर्दा पक्राउ पुर्जा दिन्छ । तर वीरगंज महानगरका नगर प्रहरीले हाम्रा कर्मचारीलाई पक्राउ गरेर लान खाेज्ने तानातान गरी विवाद सिर्जना गरेर कुटपिट गरेको छ ।
यस घटनाप्रति ध्यानाकर्षण गराउँदै संचालक संजय साहले शान्ति सुरक्षा सुनिश्चित र दोषीमाथि कारबाहीको लागि जिल्ला प्रहरी कार्यालय पर्सामा उजुरी दिएका छन् ।
वीरगंज महानगरकाे यस्ताे घटना पहिलाे पटक भने हाेइन, यसअघि मेयर राजेशमान सिंहले यसअघि अफ्नै उपस्थितिमा वीरगंज महानगरपालिका वडा नम्बर १७ अलौँस्थित कुलो विवादमा छलफल गर्न बाेलाएर स्थानीय सुदर्शन लामिछानेको बुवा शिव ओम लामिछानेको नगर प्रहरीको आक्रमणबाट टाउँको फुटेर उल्टै उनका छोरा सुदर्शन लामिछानेलाई नगरप्रहरीको भ्यानमा राखेर प्रहरीको जिम्मा लगाएर थुनाएका थिए ।
यतिमात्र नभइ मेयर सिंहले अर्काको श्रीमतीलाई आफ्नो बनाई उनकी छोरीलाई नागरिकता दिलाएको र सरकारी कागजात जन्मदर्ता लगायत किर्ते गरेको विरुद्धमा कारबाहीको माग गर्दै निकालिएको जुलुशमाथि मेयर सिंहका पक्षधरहरू विथोल्न खाेज्दा प्रहरीको लाठीले नेविसंघ पर्साका अध्यक्ष ईन्जिनियर रमेश यादवको नाक भाँचिएको थियो । मेयर सिंहले विरोध प्रदर्शन बिथोल्न नलगाएकाे भए त्यस्तो घटना हुन्थेन, उतिबेला उनको उपचार राजधानी काठमाडौँमा उनको उपचार गराइएको थियो ।
यसैगरी वीरगंज महानगरपालिकासँग सूचना माग गर्दा वीरगंज महानगरपालिकाका मेयर राजेशमान सिंहले गुण्डागर्दी देखाएर पूर्व राष्ट्र सेवक कर्मचारी संजय ठाकुरलाइ विना कारण थुनाउने उनको प्रयास पर्सा प्रहरीले असफल बनाईदिएको थियाे । वीरगंजकाे आदर्शनगरस्थित स्काइलाइन जग्गा प्रकरणसँग सम्बन्धित कागजात बारे छलफलका लागी वीरगंज महानगरपालिकाका नक्सा फाँटका प्रमुख गौरब झाले नै बोलाएर मेयर राजेशमान सिंहको कार्यकक्षमा लगेका थिए । मेयरको कार्यकक्षमा छलफलका लागि लगेर अपमानित गर्न खोजेको पुर्व राष्ट्रसेवक कर्मचारी संजय ठाकुरले बताएका थिए ।
मेयर सिंह यतिमात्र नभई पद र पावरको दुरूपयोग गर्दै पटक पटक अवाज उठाउनेमाथि आक्रमण गराउन खोज्ने, मुद्दा दिएर दबाउने देखि फाेहर लगायतको निहुँमा जरिवाना तिराउन लगाउने गरेको र किर्ते नागरिकतामा समेत उनलाई कुनै कार्वाही समेत नहुने गरेकाे संघिय संसदमा डा. स्वर्णिम वाग्लेले प्रहरीकाे भुमिका माथि प्रश्न नै उठाएका थिए ।
उनीविरुद्ध लागूऔषध सम्बन्धी कसूरमा थप अनुसन्धान भइरहेको प्रहरीले जानकारी दिएको छ ।
स्काईलाइन मल जग्गा प्रकरण सम्बन्धी फलोअप समाचारहरु :
