ट्रेलरमा यस्तो देखियो दयाहाङको ‘गाउँ आएको बाटो’

भिडियो

Home
भिडियो
ट्रेलरमा यस्तो देखियो दयाहाङको ‘गाउँ आएको बाटो’

ट्रेलरमा यस्तो देखियो दयाहाङको ‘गाउँ आएको बाटो’

आगामी २५ गतेबाट सार्वजनिक प्रदर्शनमा आउने फिल्म ‘गाउँ आएको बाटो’ को ट्रेलर सार्वजनिक गरिएको छ ।

बिहीबार एक कार्यक्रमकाबिच ट्रेलर सार्वजनिक गरिएको हो । ट्रेलरमा फिल्मको कथा झल्काउन खोजिएको छ । गाउँमा मोटरबाटो आएपछि बाबु र छोराबिचको सम्बन्धमा आउने उतारचढावको कथामा फिल्म बनेको हो । ट्रेलरमा पनि फिल्मको कथा बुझाउने खालका दृश्य समेटिएको छ । ट्रेलर हेर्दा फिल्मले भोजपुरको एक राई परिवारको कथा भन्ने अनुमान गर्न सकिन्छ ।

ट्रेलर दयाहाङ राई (बाबु) र बिन्द्रे (प्रसन राई) को वरपर घुमेको छ । अभिनेत्री पशुपति राई फिल्ममा दयाहाङकी पत्नीको रोलमा रहेको ट्रेलरबाट बुझ्न सकिन्छ । नवीन सुब्बा निर्देशित फिल्म आमोद राईले निर्माण गरेका हुन् । रामबाबु गुरुङको बाँसुरी फिल्मस् र निर्देशक सुब्बाको मेन्छायम पिक्चर्सको ब्यानरमा फिल्म बनेको हो ।

प्रेम सुब्बा, केशव राई, राज थापा, सुमित्रा राईको समेत अभिनय रहेको फिल्मका कार्यकारी निर्माता सञ्जु राई, देवराज राई, नारहाङ राई, भीम राई हुन् । फिल्मले अन्तर्राष्ट्रिय फेस्टिभलहरूमा सहभागिता जनाएर अवार्ड जितिसकेको छ ।

प्रकाशित मिति: शुक्रबार, जेठ ११, २०८१ ००:५०

यस वीरगंज सिटीमा प्रकाशित सामग्रीबारे कुनै प्रतिक्रिया, सल्लाह सुझाव वा कुनै लेख, रचना, समाचार प्रकाशित गराउनु परे [email protected] मा पठाउन सक्नुहुन्छ।

प्रतिक्रिया दिनुहोस्